Á aðfangadag páska, laugardaginn 3. apríl, kl. 21 verður páskavaka í Staðarfellskirkju. Kveikt verður á páskakertinu í upphafi stundarinnar í myrkraði kirkjunni og smátt og smátt fyllist kirkjan af ljósi. Í athöfninni undirbúum við okkur fyrir stærstu hátíð kristinna manna. Óskar Ingi Ingason þjónar fyrir altari og Halldór Þ. Þórðarson er organisti og stjórnar kirkjukór Dalaprestakalls sem leiðir sönginn.
Páskavakan er samstarfsverkefni sóknarprests, fermingarbarna og foreldra þeirra. Hún hefst með lestri úr ritningunni í rökkvaðri kirkjunni, páskaljósið berst síðan til kirkjugesta sem gefst síðan kostur á að minnast skírnar sinnar með áþreifanlegum hætti. Í lokin verður boðið upp á smökkun á páskalambi og allir fá páskaegg í kirkjudyrum.
