Háteigskirkja

Rosalegir þriðjudagar!

Páll Ágúst Ólafsson — Tue, 07 Feb 2012 00:35:06 +0000

Það verður mikið um að vera í kirkjunni þriðjudaginn 7.febrúar.

Kl. 10.15-11.00 hefjast Krílasálmarnir. Foreldra með 3 mánaða - eins árs. Ennþá er tækifæri til að vera með!
Kl. 15.30-16.15 hittist Kópakórinn. Foreldra með 3.-4 .ára börn.
Kl. 17.00-18.30 hefst Ævintýraklúbburinn - spennandi starf fyrir 10-12 ára stelpur og stráka! Í dag verður án vafa spennandi dagskrá eins og alla aðra þriðjudaga.
Kl. 20.00-21.30 hittist Unglingaklúbburinn - Allir í 8. bekk og eldri velkomnir

Vertu alltaf velkomin/n í Háteigskirkju!

Messa og sunnudagaskóli

Páll Ágúst Ólafsson — Sat, 04 Feb 2012 11:59:38 +0000

Sunnudaginn, 5. febrúar verður messa og sunnudagaskóli í Háteigskirkju. Sr. Tómas Sveinsson prédikar og þjónar fyrir altari. Kári Allansson þenur orgelið og kirkjukórinn leiðir safnaðarsönginn. Sunnudagaskólinn verður á sínum stað með Sólveigu Ástu, Hreini og Palla.

Það eru allir hjartanlega velkomnir!

Foreldramorgunn - 2. febrúar

Páll Ágúst Ólafsson — Wed, 01 Feb 2012 23:29:48 +0000

Minnum á foreldramorgunn, fimmtudaginn 2. febrúar í safnaðarheimilinu milli 10 og 12. Allir foreldrar velkomnir ásamt börnum sínum. Notaleg samvera, spall, kaffisopi og meðlæti. Umsjón með samverunni hefur sr. Helga Soffía. Það eru allir hjartanlega velkomnir.

Spennandi dagskrá þriðjudaginn 31. janúar

Páll Ágúst Ólafsson — Mon, 30 Jan 2012 20:12:25 +0000

Það verður líf og fjör í kirkjunni þriðjudaginn 31. janúar.

Kl. 10.15-11.00 hefjast Krílasálmarnir. Foreldra með 3 mánaða - eins árs. Ennþá er tækifæri til að vera með!
Kl. 15.30-16.15 hittist Kópakórinn. Foreldra með 3.-4 .ára börn.
Kl. 17.00-18.30 hefst Ævintýraklúbburinn - spennandi starf fyrir 10-12 ára stelpur og stráka! Á morgun verða bakaðir kanilsnúðar - nammi namm!
Kl. 20.00-21.30 hittist Unglingaklúbburinn - Allir í 8. bekk og eldri velkomnir.

Spennandi helgi í Háteigskirkju - messa og tónleikar.

Páll Ágúst Ólafsson — Thu, 26 Jan 2012 20:23:13 +0000

Það verður nóg um að vera í kirkjunni um helgina - blanda af tónleikum og hefðbundnu helgihaldi. Tónlistarhátíðin Myrkir músíkdagar fer fram um helgina víðsvegar um borgina og verða tvennir áhugaverðir og spennandi tónleikar haldnir í Háteigskirkju.

Á laugardag kl. 14 syngur Kammerkór Suðurlands undir stjórn Hilmars Arnar Agnarsson.

Á sunnudag er messa kl. 11. Sr. Tómas Sveinsson prédikar og þjónar fyrir altari og Judy Thorbergsson þenur orgelið undir almennum safnaðarsöng. Sunnudagaskólinn verður á sínum stað. Við kynnum nýjan vin til leiks á sunnudag sem er hún Sólveig Ásta en hún er mjög spennt að fá að hitta alla krakkana og Hafdísi og Klemma og hina vini okkar. Það eru allir hjartanlega velkomnir!

Kl. 15 á sunnudag syngur Hamrahlíðakórinn undir stjórn Þorgerðar Ingólfsdóttur.

Nánari upplýsingar um dagskrá og verð Myrkra músíkdaga má finna á heimasíðu hátíðarinnar www.myrkir.is

Guð gefi þér góða helgi!

Fermingarfræðsla og Taizémessa.

Páll Ágúst Ólafsson — Thu, 26 Jan 2012 11:11:13 +0000

Í dag verður fermingarfræðsla í safnaðarheimilinu að vanda. Við hlökkum til að sjá ykkur í dag.

Taizémessa verður svo á sínum stað kl. 20. Húsið opnar kl. 19. Það er gott að koma og njóta kyrrðarinnar í kirkjunni. Allir hjartanlega velkomnir.

Foreldramorgunn fellur niður í dag

Páll Ágúst Ólafsson — Wed, 25 Jan 2012 23:18:44 +0000

Foreldramorguninn fellur niður í dag vegna erfiðrar færðar. Við hlökkum til að sjá ykkur í næstu viku!

12 spora námskeið í kvöld - miðvikudag 25. janúar.

Páll Ágúst Ólafsson — Wed, 25 Jan 2012 17:47:04 +0000

Minni á að í kvöld kl. 19.30-21.30 verður 12 spora námskeiðið Andlegt ferðalag í safnaðarheimili kirkjunnar - áhugasamir geta ennþá slegist í hópinn. Allir hjartanlega velkomnir!

Fjölskyldumessa - sunnudaginn 22. janúar

Páll Ágúst Ólafsson — Sat, 21 Jan 2012 10:22:43 +0000

Á sunnudaginn 22. janúar er fjölskyldumessa í Háteigskirkju. Hún er með öðru sniði en hefbundnar messur því þá fara börnin ekki með foreldrum sínum í sunnudagaskólann í safnaðarheimilinu heldur erum við öll saman, ungir og eldri, í kirkjunni allan tímann. Þessar messur eru 4. sunnudag í hverjum mánuði í umsjón sr. Helgu Soffíu og Páls Ágústs. Judy Thorbergsson leikur á orgel en einnig tökum við upp gítarinn og tökum skemmtilega hreyfisöngva með í bland við annað, heyrum sögu, kíkjum í fjársjóðskistuna auk þess sem kjánaprikið hann Rebbi refur kíkir í heimsókn til okkar.

Það eru allir hjartanlega velkomnir, jafnt ungir sem eldri og allir þess á milli!

Kópasálmar, Krílasálmar og Unglingaklúbburinn

Páll Ágúst Ólafsson — Mon, 16 Jan 2012 15:38:14 +0000

Á morgun, þriðjudaginn 17. janúar hefjast Kópasálmar í kirkjunni kl. 15.30-16.15. Stjórnandi er Berglind Björgúlfsdóttir.

Unglingaklúbburinn fyrir 13-16 ára fer af stað eftir jólafrí um kvöldið kl. 20-22 en Aron og Dagbjört taka vel á móti þeim í kirkjunni. Það eru allir unglingar velkomnir, bæði þeir sem hafa verið áður sem og einnig þeir sem vilja bætast í hópinn.

Krílasálmarnir munu hefjast næsta þriðjudag 24. janúar kl. 10 en ekki á morgun eins og auglýst var. Ennþá eru nokkur laus pláss fyrir áhugasama!