Ísafjarðarkirkja

Sunnudaginn 5. september kl. 11:00 verður guðsþjónusta í Ísafjarðarkirkju.  Allir velkomnir.

Skráning í fermingarfræðsluna í Ísafjarðarprestakalli hefst sunnudaginn 5. september.

Tvær leiðir eru til að skrá sig.  Í fyrsta lagi eru hægt að mæta í messu kl. 11:00 umræddan sunnudag.  Þar munu liggja frammi skráningarblöð.  Eftir messuna verður stuttur fundur með fermingarbörnum og foreldrum þeirra, þar sem fermingarstörf vetrarins verða kynnt.

Í öðru lagi er hægt að skrá sig með því að senda tölvupóst á netfangið isafjardarkirkja@simnet.is og munið þá eftir að skrá fullt nafn fermingarbarnsins og fullt nafn foreldra ásamt heimilisfangi.

Laugardaginn 4. september kl. 11:00 verður minningarstund í Ísafjarðarkirkju þegar Guðmundína Sigurfljóð Júlíusdóttir Horn verður kvödd hinstu kveðju en aska hennar verður jarðsett í leiði foreldra hennar.

Laugardaginn 4. september kl. 14:00 verður Jónína Kristjánsdóttir jarðsungin frá Ísafjarðarkirkju.

Fólk hefur ýmsar aðferðir við að koma mótmælum á framfæri.  Sumir ganga með kröfuspjöld, aðrir blogga.  Í kjölfar sárra tíðinda af vettvangi kirkjunnar þá hafa einhverjir gripið til þess ráðs að segja sig úr Þjóðkirkjunni.  Sjálfsagt eru ýmsar ástæður þar að baki.  Einhverjum kann að finnast sem hann eigi ekki lengur samleið með kirkjunni á meðan aðrir nota þessa leið til að mótmæla framgöngu kirkjunnar í tilteknum málum.

En hvaða áhrif hefur það að segja sig úr Þjóðkirkjunni?  Ef þú ert skráður í Þjóðkirkjuna og ert sextán ára og eldri þá greiðir þú 747 krónur á mánuði til kirkjunnar eða rúmar 9.000 krónur á ári.  Gjaldið rennur til þinnar sóknarkirkju og fer þar til þess að byggja kirkjuna og halda henni við, greiða laun starfsfólks önnur en sóknarprestsins og greiða þann kostnað, sem fellur til í safnaðarstarfinu, svo sem við barna og unglingastarf kirkjunnar.

Ef fólk vill hafa kirkju og safnaðarstarf í sinni sókn þá ætti það auðvitað að vera félagi í kirkjunni og styðja þannig við gott starf.  Vilji fólk hins vegar mótmæla þá ætti það annað hvort að skrifa prestinum sínum eða biskupi bréf eða hringja í þessa herramenn og lesa þeim pistilinn.

Svo vil ég benda á að þeir, sem skrá sig utan trúfélaga, losna ekki undan því að greiða hinn árlega níu þúsund kall.  En í stað þess að sá aur renni til trúfélags í heimabyggðinni þá rennur hann í ríkiskassann hans Steingríms, sem mun víst vera því sem næst botnlaus hít að fróðra manna sögn.

Höldum aurunum í heimabyggð í stað þess að senda þá suður!

Þann 31.ágúst næstkomandi mun samstarfshópur á vegum Þjóðkirkjunnar og annarra kristinna trúfélaga hleypa af stokkunum átaki gegn kynferðislegu ofbeldi. Alls taka 15 trúfélög þátt í átakinu.

Kortum og plakötum verður dreift í allar kirkjur og kristna söfnuði landsins til áréttingar og undirstrikunar á því að kynferðisofbeldi verði aldrei liðið í kristnum söfnuðum.

Á kortunum og plakötunum er fjallað um hvar kynferðislegt ofbeldi getur átt sér stað. Kynferðislegt ofbeldi er skilgreint, algengar tilfinningar þeirra sem lenda í kynferðislegu ofbeldi tilgreindar auk þess sem fólki er bent á ýmsar leiðir sem í boði eru fyrir þá sem hafa lent í slíku ofbeldi.

Kirkjurnar sem taka þátt í þessu átaki eru: Betanía, CTF-Kærleikur, Fríkirkjan í Hafnarfirði, Fríkirkjan í Reykjavík, Hjálpræðisherinn, Hvítasunnusöfnuðirnir á Íslandi, Íslenska kristkirkjan, Kaþólska kirkjan, Kefas, Kirkja sjöunda dags aðventista, Krossinn, Óháði söfnuðurinn, Rússneska rétttrúnaðarkirkjan, Vegurinn og Þjóðkirkjan.

Frekari upplýsingar veitir Elín Elísabet Jóhannsdóttir, verkefnastjóri á Biskupsstofu, í síma 8688555.

Sunnudaginn 27. júní síðastliðinn tóku gildi ný hjúskaparlög í landinu.  Þau eru merkileg fyrir það að nú er ekki lengur neinn mismunur á hjónaböndum eftir því hvort er um að ræða samkynhneigð eða gagnkynhneigð hjón.  Þessum tímamótum var fagnað víða í kirkjum landsins.  Sr. Sigríður Guðmarsdóttir tók við mannréttindaverðlaunum frá Samtökunum 78 fyrir hönd allra þeirra presta og guðfræðinga, sem lagt hafa þessari baráttu lið.  Viðurkenningin er svona:

Mannréttindaviðurkenning
Samtakanna 78
2010:

Rúmlega eitt hundrað prestar, djáknar og guðfræðingar, sem starfa á vettvangi kirkjunnar og lögðu lóð á vogarskálarnar við umfjöllun og afgreiðslu um ein hjúskaparlög, hljóta í dag Mannréttindaviðurkenningu Samtakanna 78 fyrir ómetanlegt framlag í þágu mannréttinda samkynhneigðra, tvíkynhneigðra og transgender-fólks á Íslandi.

Reykjavík, 27. júní 2010
Svanfríður Anna Lárusdóttir
Formaður Samtakanna 78

Viðtakendur:
1. Sr. Aðalsteinn Þorvaldsson, sóknarprestur Setbergsprestakalli
2. Sr. Agnes M. Sigurðardóttir, prófastur Vestfjarðaprófastdæmi
3. Sr. Arna Grétarsdóttir, sérþjónustuprestur, Noregi
4. Dr. Arnfríður Guðmundsdóttir, prófessor, Háskóla Íslands
5. Sr. Auður Eir Vilhjálmsdóttir, emerita, Kópavogi
6. Sr. Auður Inga Einarsdóttir, heimilisprestur á Grund
7. Sr. Axel Árnason Njarðvík, héraðsprestur, Suðurprófastdæmi
8. Sr. Ágúst Einarsson, sérþjónustuprestur, Svíþjóð
9. Ármann Hákon Gunnarsson, djákni, Vídalínskirkju
10. Sr. Árni Svanur Daníelsson, verkefnisstjóri, Biskupsstofu
11. Sr. Ása Björk Ólafsdóttir, verðandi sóknarprestur í Kells á Írlandi
12. Sr. Ásta Ingibjörg Pétursdóttir, sóknarprestur, Bíldudals- og Tálknafjarðarprestakalli
13. Sr. Baldur Kristjánsson, sóknarprestur, Þorlákshafnarprestakalli
14. Sr. Bára Friðriksdóttir, sóknarprestur Tjarnaprestakalli
15. Sr. Birgir Ásgeirsson, prestur, Hallgrímsprestakalli
16. Sr. Bjarni Karlsson, sóknarprestur, Laugarnesprestakalli
17. Sr. Bolli Pétur Bollason, sóknarprestur, Laufásprestakalli
18. Sr. Bragi Jóhann Ingibergsson, sóknarprestur Víðistaðaprestakalli
19. Sr. Bragi Skúlason, sérþjónustuprestur Landspítala- Háskólasjúkrahúsi
20. Sr. Bryndís Valbjarnardóttir, prestur Fríkirkjunnar í Reykjavík
21. Sr. Carlos Ari Ferrer, kennari, Reykjavík
22. Sr. Cecil Haraldsson, sóknarprestur Seyðisfjarðarprestakalli
23. Sr. Dalla Þórðardóttir, prófastur Húnavatns- og Skagafjarðarprófastdæmi
24. Sr. Daniel Mueller Thor, Reykhólum
25. Sr. Einar Eyjólfsson, prestur Fríkirkjunnar í Hafnarfirði
26. Sr. Elína Hrund Kristjánsdóttir, sóknarprestur, Reykhólaprestakalli
27. Sr. Elínborg Gísladóttir, sóknarprestur, Grindavíkurprestakalli
28. Sr. Erla Guðmundsdóttir, prestur, Keflavíkurprestakalli
29. Sr. Fjölnir Ásbjörnsson, sóknarprestur, Holtsprestakalli í Önundarfirði
30. Sr. Guðbjörg Arnardóttir, sóknarprestur, Oddaprestakalli
31. Sr. Guðmundur Örn Jónsson, prestur, Vestmannaeyjaprestakalli
32. Sr. Guðný Hallgrímsdóttir, sérþjónustuprestur, prestur fatlaðra, Reykjavík
33. Sr. Guðrún Karlsdóttir, prestur, Grafarvogsprestakalli
34. Dr. Gunnar Kristjánsson, prófastur Kjalarnesprófastdæmi
35. Sr. Gunnar Rúnar Matthíasson, sérþjónustuprestur, Landspítala- Háskólasjúkrahúsi
36. Gunnar Einar Steingrímsson, djákni í Grafarvogskirkju
37. Gunnbjörg Óladóttir guðfræðingur og doktorsnemi, Reykjavík
38. Sr. Gylfi Jónsson, héraðsprestur Þingeyjarprófastdæmi
39. Sr. Hans Guðberg Alfreðsson, prestur Garðaprestakalli
40. Sr. Halldór Reynisson, fræðslustjóri, Biskupsstofu
41. Dr. Haukur Ingi Jónasson, lektor og guðfræðingur, Háskóla Íslands
42. Sr. Hildur Eir Bolladóttir, prestur, Laugarnesprestakalli
43. Dr. Hjalti Hugason, prófessor, Háskóla Íslands
44. Sr. Hjörtur Magni Jóhannsson, prestur Fríkirkjunnar í Reykjavík
45. Sr. Hólmgrímur E. Bragason, héraðsprestur, Austfjarðaprófastdæmi
46. Hróbjartur Árnason, lektor og guðfræðingur, Háskóla Íslands
47. Sr. Ingileif Malmberg, sérþjónustuprestur Landspítala- Háskólasjúkrahúsi
48. Sr. Ingólfur Hartvigsson, sóknarprestur Kirkjubæjarklaustri
49. Sr. Irma Sjöfn Óskarsdóttir, verkefnastjóri Biskupsstofu
50. Sr. Íris Kristjánsdóttir, sóknarprestur, Hjallaprestakalli
51. Jóhanna Magnúsdóttir guðfræðingur og aðstoðarskólastjóri við Menntaskólann Hraðbraut
52. Sr. Jóhanna Sigmarsdóttir, prófastur, Eiðaprestakalli
53. Sr. Jón Ásgeir Sigurvinsson, guðfræðingur og doktorsnemi, Borgarnesi
54. Sr. Jón Helgi Þórarinsson, sóknarprestur, Langholtsprestakalli
55. Sr. Jóna Hrönn Bolladóttir, sóknarprestur Garðaprestakalli
56. Sr. Jóna Lísa Þorsteinsdóttir, emerita, Akureyri
57. Sr. Jóna Lovísa Jónsdóttir, skólaprestur og framkvæmdastjóri Æskulýðssambands Þjóðkirkjunnar.
58. Karítas Kristjánsdóttir guðfræðingur, Kirkjubæjarklaustri
59. Sr. Karl Valgarður Matthíasson, vímuvarnaprestur, Reykjavík
60. Sr. Kjartan Örn Sigurbjörnsson, sérþjónustuprestur Landspítala- Háskólasjúkrahúsi
61. Sr. Kristinn Jens Sigurþórsson, sóknarprestur, Saurbæjarprestakalli
62. Kristín Sigríður Garðarsdóttir, djákni og áfengisráðgjafi, Kópavogi
63. Sr. Kristín Þórunn Tómasdóttir, héraðsprestur Kjalarnesprófastdæmi
64. Sr. Lára G. Oddsdóttir, sóknarprestur, Valþjófsstaðarprestakalli
65. Sr. Lena Rós Matthíasdóttir, prestur Grafarvogsprestakalli
66. Sr. Magnús Erlingsson, sóknarprestur, Ísafjarðarprestakalli
67. Margrét Ólöf Magnúsdóttir, djákni Árbæjarkirkju
68. Ninna Sif Svavarsdóttir guðfræðingur og doktorsnemi, Hveragerði
69. Nína Leósdóttir, guðfræðingur og kennari, Reykjavík
70. Sr. Óskar Hafsteinn Óskarsson, prestur Selfossprestakalli
71. Sr. Pálmi Matthíasson, sóknarprestur, Bústaðaprestakalli
72. Sr. Pétur Þorsteinsson, prestur Óháða safnaðarins í Reykjavík
73. Sr. Petrína Mjöll Jóhannesdóttir, prestur, Grensásprestakalli
74. Sr. Ragnheiður Jónsdóttir, sóknarprestur Mosfellsprestakalli
75. Rósa Kristjánsdóttir, djákni, Landspítala-Háskólasjúkrahúsi
76. Sr. Sigfinnur Þorleifsson, sérþjónustuprestur Landspítala- Háskólasjúkrahúsi
77. Sr. Sigfús Kristjánsson, prestur, Hjallaprestakalli
78. Dr. Sigríður Guðmarsdóttir, sóknarprestur, Grafarholtsprestakalli
79. Sr. Sigríður Gunnarsdóttir, sóknarprestur, Sauðárkróksprestakalli
80. Sr. Sigríður Kristín Helgadóttir, prestur Fríkirkjunnar í Hafnarfirði
81. Sr. Sigríður Munda Jónsdóttir, sóknarprestur Ólafsfjarðarprestakalli
82. Sr. Sigríður Óladóttir, sóknarprestur, Hólmavíkurprestakalli
83. Sigríður Rún Tryggvadóttir, æskulýðsfulltrúi Árbæjarkirkju
84. Sr. Sigrún Óskarsdóttir, prestur, Árbæjarprestakalli
85. Sr. Sigurður Jónsson, sóknarprestur, Ásprestakalli
86. Dr. Sigurður Árni Þórðarson, prestur Nesprestakalli
87. Sr. Sigurður Grétar Helgason, sóknarprestur, Seltjarnarnesprestakalli
88. Sr. Sjöfn Jóhannesdóttir, sóknarprestur, Djúpavogsprestakalli
89. Sr. Sjöfn Mueller Þór, sóknarprestur, Reykhólaprestakalli
90. Sr. Skúli Sigurður Ólafsson, sóknarprestur, Keflavíkurprestakalli
91. Sr. Solveig Lára Guðmundsdóttir, sóknarprestur, Möðruvallaprestakalli
92. Dr. Sólveig Anna Bóasdóttir, dósent, Háskóla Íslands
93. Sr. Sólveig Halla Kristjánsdóttir, bóndi, Reykjahverfi, Þing.
94. Svala Sigríður Thomsen, djákni á Grund
95. Sr. Svanhildur Blöndal, sérþjónustuprestur, prestur á Hrafnistu í Reykjavík og á Vífilsstöðum
96. Sr. Svavar Alfreð Jónsson, sóknarprestur, Akureyrarprestakalli
97. Sveinbjörg Pálsdóttir guðfræðingur og stjórnsýsluráðgjafi, Hafnarfirði
98. Sr. Tómas Sveinsson, sóknarprestur Háteigsprestakalli
99. Sr. Toshiki Toma, sérþjónustuprestur, prestur innflytjenda
100. Sr. Ursula Árnadóttir, sóknarprestur, Skagastrandarprestakalli
101. Valgerður Hjartardóttir, djákni, hjúkrunar og ráðgjafarþjónustunni Karítas.
102. Sr. Vigfús Bjarni Albertsson, sérþjónustuprestur Landspítala- Háskólasjúkrahúsi
103. Sr. Vigfús Þór Árnason, sóknarprestur, Grafarvogsprestakalli
104. Sr. Yrsa Þórðardóttir, prestur, Digranesprestakalli
105. Sr. Þorgeir Arason, héraðsprestur, Múlaprófastdæmi
106. Sr. Þór Hauksson, sóknarprestur, Árbæjarprestakalli
107. Sr. Þórhallur Heimisson, sóknarprestur, Hafnarfjarðarprestakalli
108. Sr. Þórhildur Ólafs, prestur Nesprestakalli
109. Sr. Þórir Stephensen,emeritus, Reykjavík
110. Ævar Kjartansson, guðfræðingur og dagskrárgerðarmaður, Reykjavík
111. Sr. Örn Bárður Jónsson, sóknarprestur, Nesprestakalli

Sunnudaginn 25. apríl var héraðsfundur Vestfjarðaprófastsdæmis haldinn í félagsheimilinu Tjarnarlundi, sem er rétt sunnan Gilsfjarðar en þangað nær prófastsdæmið.

Aðalsafnaðarfundur Ísafjarðarsóknar var miðvikudaginn 14. apríl.  Fundurinn hófst kl. 18:00 með því að súpa var fram borin í safnaðarheimilinu, afar gómsæt súpa með matarmiklu brauði.  Undir borðum var flutt skýrsla stjórnar og lagðir fram reikningar bæði sóknar og kirkjugarðs.  Í máli Bjarna Jóhannssonar gjaldkera kom fram að tekjur safnaðarins hafa dregist saman og er þar um að kenna skerðingu ríkisvaldsins á sóknargjöldum en sökum fjáskorts hefur ríkissjóður brugðið á það ráð að taka til sín svolítið af félagsgjöldum kirkjufólks en sóknargjöldin eru í raun gjöld fyrir trúfélagasaðild.  Ætli þetta ráðslag flokkist ekki undir að það að gera bragð út af sjöunda boðorðinu?

Aðalsafnaðarfundur Hnífsdalssóknar var haldinn sunnudaginn 7. mars kl. 12:00 í Hnífsdalskapellu.  Í sóknarnefnd var kosinn Finnbogi Sveinbjörnsson en til vara Gabríela Aðalbjörnsdóttir. Reikningar sóknarinnar og kirkjugarðsins voru lagðir fram og kom í ljós að kirkjugarðurinn stendur vel. Örlítið tap varð hins vegar á rekstri sóknarinnar og skýrist það meðal annars af því að gera þurfti við kórglugga kapellunnar.