Nýr vefur Kirkjuþings er á www.kirkjuthing.is

Tillaga að þingsályktun um kærleiksþjónustu Þjóðkirkjunnar við leik- og grunnskólabörn.

6. mál

Flutt af: Sigríði M. Jóhannsdóttur og Birgi Thomsen

Kirkjuþing 2003 beinir því til Kirkjuráðs að það beiti sér fyrir því að skipuð verði samstarfsnefnd kirkju og skólayfirvalda til að móta stefnu í kærleiksþjónustu kirkjunnar við leik- og grunnskólabörn.

Greinargerð

Tillaga þessi er lögð fram til að koma til móts við væntingar um aukna kærleiksþjónustu í leik- og grunnskólum, sem fram koma í svörum þeirra er þátt tóku í stefnumótunarvinnu þjóðkirkjunnar á yfirstandandi ári.

Hún er jafnframt byggð á góðri reynslu af samstarfsverkefni skólayfirvalda í Mosfellsbæ og Lágafellssóknar undir heitinu „Vinaleið“, samanber meðfylgjandi fylgiskjöl frá skólastjórum grunnskóla Mosfellsbæjar, ásamt kynningu á samstarfsverkefni, eftir Þórdísi Ásgeirsdóttur.