Jólaguðspjallið í flutningi kirkjuskólabarnanna

Annan sunnudag í aðventu var aðventuhátíð Glaumbæjarprestakalls haldin hér á Löngumýri eins og venja er. Dagskráin var fjölbreytt með virkri þátttöku fermingarbarna, kórs, nemenda tónlistaskólans að kirkjuskólabörnunum ógleymdum er sýndu helgileik. Sr. Gísli Gunnarsson stýrði samkomunni og las jólasögu. Samkoman var fjölmenn og að henni lokinni áttu gestir notalega samveru yfir veislukaffi í boði sóknarnefnda prestakallsins.

Kirkjukór Glaumbæjarprestakalls er ákaflega virkur hér í safnaðarstarfinu og þar á stjórnandinn Stefán Gíslason mestan heiður af fyrir þrotlausan áhuga og einstaka hæfileika. Auk söngs við almennar athafnir hefur kórinn, sem telur um 40 félaga flutt Gospel dagskrá á nokkrum stöðum á árinu og nú á aðventunni hyggst hann flytja messu eftir Schubert ásamt einsöngvara og hljómsveit, fyrst í Blönduóskirkju þann 13. des. og í menningarhúsinu Miðgarði 15. desember en þar munu sr. Hjálmar Jónsson og Eyþór Árnason frá Uppsölum einnig lesa úr  verkum sínum.

Það er málað og litað og....

Það var sannarlega líflegt hér um helgina þegar hið árlega TTT haustmót fór fram. Þá komu saman börn frá Hvammstanga, Sauðárkróki, Skagaströnd, Hofsósi og Hólum ásamt leiðtogum sínum og prestum, blönduðu geði í söng og leik og meðtóku fræðslu um kristin gildi. 

Hringiðan er sívinsæll leikur í pottinum

Að óbreyttu var þetta síðasta mótið undir stjórn Sigurðar Grétars á Hvammstanga, en honum hefur í sparnaðarskyni, verið sagt upp störfum sem fræðslufulltrúa Húnavatns og Skagafjarðarprófastdæma. Hvert framhaldið verður er óráðið, en vissulega er ekki einungis eftirsjá af Sigurði sem einstökum leiðtoga, heldur má einnig setja spurningarmerki við hvar borið er niður í sparnaðinum. Þessi mót sem hluti æskulýðsstarfsins hafa undantekningalaust heppnast vel og gefið börnum í þessum byggðalögum tækifæri á að hittast og þannig brúað ákveðið bil. Er þetta mót dregið hér út úr en vissulega setur þetta önnur æskulýðsmál sem embættið hefur sinnt af kostgæfni í ákveðið óvissuástand.

Og þeir stilltustu fara fyrst að borðinu

Einar á Hamri, Haraldur frá Mói og hjónin frá Hlíðarenda Kjartan og Ingibjörg eru dugleg að mæta

 spjallað og spilað að ógleymdu veisluborðinu sem þeir stöllur reiða fram

Hvað kenna boðorðin 10 okkur?

Í dag komu góðir gestir þegar verðandi fermingarbörn úr Varmahlíðarskóla og Hríseyjarprestakalli komu á fermingarnámskeið ásamt prestum sínum. Eins og venjulega var það æskulýðafulltrúinn sr. Sigurður Grétar sem lagði línurnar og stjórnaði dagskránni sem samanstóð af fjölbreyttri fræðslu í bland við leiki og söng.

...Svo gerum við svona og á eftir..... Sr. Sigurður Grétar fer yfir planið með þér sr. Döllu, sr. Huldu Hrönn og sr. Gísla

Sigurður Grétar með spurningakeppni í fermingarfræðslunni

Í sól og sumaryl

Viðburðaríkt sumar er að baki hér á Löngumýri en ekki hefur verið hægt að gera því skil í myndum og máli vegna vandamála með vefinn sem nú er kominn í lag í nýju umhverfi sem vonandi skilar ykkur einhverjum tíðindum og fréttum af starfinu.

Eins og undangengin sumur var margt um manninn og fullbókað í öll tímabil eldri borgara, fatlaðra og sumarbúðir sykursjúkra. Afar vel tókst til með orlofsdvöl fyrir ekkjur og ekkla og sömuleiðis komu margir í hvíldardvöl krabbameinssjúkra. Nú í haust hafa konur hvarvetna af landinu komið saman á bútasaumsnámskeið undir leiðsögn Kristrúnar í Quiltbúðinni á Akureyri, kátir og skemmtilegir hópar sem lífga upp á staðinn.  Á næstu dögum og vikum fara fermingarbörnin héðan úr grendinni og úr Glerárkirkju að koma en það er árviss viðburður. Sömuleiðis styttist í TTT mót barna úr Húnavatns og Skagafjarðarprófastdæmum sem ávallt eru hlaðin gleði og einlægni undir styrkri stjórn sr Sigurðar Grétars á Hvammstanga sem innan tíðar hverfur til nýrra starfa suður með sjó. Verður hans sárt saknað úr æskulýðsstarfinu. Óskum við honum og fjölskyldunni velfarnaðar í framtíðinni.

Næstkomandi sunnudagskvöld, þann 29. mars verður Hr. Jón Aðalsteinn Baldvinsson vígslubiskup á Hólum með fyrirlestur hér á Löngumýri sem hefst kl: 20:00.

Þetta er fyrsta kvöldið í fyrirlestrarröð Löngumýrar um kirkjuna og stöðu hennar í margvíslegum skilningi. Þetta kvöld verður fjallað um sögur af biskupum og hlutverki þeirra fyrr og nú, sögu biskupsstólsins á Hólum, stöðuna í dag og framtíðarsýn og spurt um tengsl safnaðanna við biskupsembættið.

Allir velkomnir; Löngumýrarnefnd

Hópurinn kom uppúr hádeginu og þá tók við fræðlan, en boðorðin 10 var megininntak fræðslunnar. Meðal þess sem gert var voru stuttmyndir unnar uppúr boðorðunum og var gaman að sjá hve frumlegar útfærslurnar voru. Eftir kaffið var frjáls tími í pottinum en svo áframhaldandi fræðsla.

Allir voru ánægir er heim var haldið um kvöldið enda hópurinn samheldinn og náðu prestarnir að fara yfir mikið efni með áhugasömum lærisveinum og meyjum.

Það var ekkert sérstakt veðrið á sunnudaginn var þann 8.mars þegar Æskulýðsdagur þjóðkirkjunnar var haldinn hátíðlegur hér á Löngumýri. Þrátt fyrir mikið hríðarveður og misjafnar samgöngur sáu um 90 manns ástæðu til að koma til Gospelmessu og kaffisölu fermingarbarna sem er fastur liður á æskulýðsdaginn. Sr. Gísli í Glaumbæ leiddi samkomuna, en nemendur úr tónlistarskólanum í Varmahlíð spiluðu for- og eftirspil ásamt Stefáni organista.

Eins og áður sagði söng kórinn gospellög við undirleik 3ja manna hljómsveitar sem var skipuð auk Stefáns organista, Margeiri Friðrikssyni fjármálastjóra sveitarfélagsins Skagafjörður og Rúnari Péturssyni verkstjóra hjá Vegagerðinni. Var góður rómur gerður að flutningnum og deginum öllum sem er einn af hápunktum kirkjustarfsins hjá okkur.

Á þessum degi eru það fermingarbörnin sem sjá um veitingarnar, baka vöfflur og ganga um beina, en frjáls framlög eru í kaffisjóðinn. Innkoman fer síðan til að standa straum af menntun ungrar indverskarar stúlku sem prestakallið hefur tekið að sér með þeim hætti að fermingarbörn hvers árs safna með þessum hætti peningum henni til handa.