Íslenski söfnuðurinn í London

Jólahelgistundir í London og Hull

Steinunn Arnþrúður Björnsdóttir — Fri, 02 Dec 2011 12:28:56 +0000

Aðra helgi í aðventu, helgina 3. - 4. desember verða jólahelgistundir í London og Hull. Í London verður helgistundin í Sænsku kirkjunni og að henni lokinni verður jólaball í safnaðarheimilinu í umsjá Íslendingafélagsins. Í Hull verður helgistundin í Dönsku sjómannakirkjunni og samvera á eftir. Félagar úr Kór Íslendinga í London taka þátt í helgistundunum.

Helgistundin í Hull verður laugardaginn 3. desember og hefst kl. 16.00. Kirkjan heitir Sömandskirken og er staðsett við 104 Osborne Street, Hull. Eftir helgistundina verður samvera í boði Freyjanna, sniðin að þörfum barnanna.

Helgistundin í London verður sunnudaginn 4. desember og hefst kl. 15.00. Hún verður í sænsku kirkjunni, 6 Harcourt Street, London W1H 4AG (næstu jarðlestarstöðvar eru Edgeware Road og Maryleebone). Að henni lokinni verður sem fyrr segir árlegt jólaball sem Íslendingafélagið sér um.

Fermingarfræðsla verður á sínum stað í London á sunnudegi kl. 12.00 í sendiráði Íslands. Fermingarbörn eru hvött til að koma með verkefnin sem þau hafa fengið og farið verður yfir. Í Hull verður einnig fermingarfræðsla fyrir messu, samkvæmt samkomulagi.

Messa og jólaskemmtun

Steinunn Arnþrúður Björnsdóttir — Tue, 11 Oct 2011 16:16:52 +0000

Næsta messa í London verður 4. desember kl. 15.00 í sænsku kirkjunni og jólaball í safnaðarheimili að henni lokinni. Messa og jólaskemmtun verður í Hull þann 3. desember.

Fermingarfræðsla verður 4. desember kl. 11 - 13.30 í sendiráðinu. Svo er stutt hlé og haldið áfram kl. 15.00 í messu. Í Hull verður einnig fermingarfræðsla fyrir jólahelgistundina.

Fermingarfræðsla, íslensk guðsþjónusta og Tómasarmessa

Steinunn Arnþrúður Björnsdóttir — Sat, 01 Oct 2011 09:42:10 +0000

Fermingarfræðsla hefst 2. október kl. 12.30 og verður í sænsku kirkjunni - athugið breyttan tíma og stað. Messa hefst kl. 15.00. Eftir messukaffi er aðalfundur Íslendingafélagsins.

Kl. 18.00 hefst Tómasarmessa í International Lutheran Student Centre, 30 Thanet Street, London, WC1H 9QH (næstu lestarstöðvar Russell square og Kings Cross). Hún fer fram á ensku en þar verða einnig prestar frá ýmsum kirkjum Norðurlanda. Mikil áhersla verður á tónlist og íhugun.

Allir alltaf velkomnir.

Næsta messa verður 2. október

Steinunn Arnþrúður Björnsdóttir — Thu, 01 Sep 2011 09:12:11 +0000

Fyrsta messa haustsins verður í sænsku kirkjunni, 6 Harcourt Street, þann 2. október kl. 15. Eftir messu verður kirkjukaffi að vanda. Íslenski kórinn syngur, barnastarf og gleði.

Prestur verður með viðtalstíma í sendiráði Íslands í London föstudaginn 30. september frá 10 - 15.

Fermingarfræðsla næsta vetur

Steinunn Arnþrúður Björnsdóttir — Thu, 01 Sep 2011 09:09:36 +0000

Fermingarfræðsla verður næsta vetur í London og í fjarnámi. Fyrsta samvera verður sunnudaginn 2. október klukkan 12.00 í sendiráðinu. Henni lýkur eftir messu í sænsku kirkjunni kl. 15.00.

Vinsamlegast hafið samband til að skrá börn í fermingarfræðslu með pósti á netfangið: steinunn.bjornsdottir(hjá)kirkjan.is

Þjóðhátíðarmessa 19. júní

Steinunn Arnþrúður Björnsdóttir — Thu, 09 Jun 2011 10:00:47 +0000

Helgistund í tilefni af þjóðhátíðardegi Íslendinga verður haldin í dönsku kirkjunni við Regent Park þann 19. júni næstkomandi og hefst klukkan 15.00. Benedikt Jónsson, sendiherra flytur hátíðarræðu, Vera Júlíusdóttir flytur ávarp fjallkonunnar, Kór Íslendinga í London syngur ættjarðarlög undir stjórn Matthildar Önnu Gísladóttur.

Skírð verður Ottilie Ágústa Jensen Hill. Prestur er sr. Steinunn A. Björnsdóttir.

Eftir messu verður þjóðhátíð Íslendinga í London haldin í garði dönsku kirkjunnar. Heimilisfang kirkjunnar er 5 Saint Katharine’s Precinct, London NW1 4HH, næsta lestarstöð Mornington Present.

Messa og sunnudagaskóli 15. maí í London

Steinunn Arnþrúður Björnsdóttir — Mon, 09 May 2011 10:38:15 +0000

Messa og sunnudagaskóli verður í Sænsku kirkjunni, 6 Harcourt Street, sunnudaginn 15. maí kl. 15.00. Kór Íslendinga syngur undir stjórn Matthildar Önnu Gísladóttir. Prestur er sr. Steinunn A. Björnsdóttir. Kirkjukaffi verður eftir messu.
Sænska kirkjan er staðsett við nr 6 Harcourt Street, London W1H 4AG (næstu jarðlestarstöðvar eru Edgeware Road og Maryleebone).

Messa og ferming í Grimsby

Steinunn Arnþrúður Björnsdóttir — Mon, 09 May 2011 10:36:17 +0000

Messa og ferming verður í St. James í Grimsby 14. maí kl. 14.00. Fermdur verður Ísak Arnarson. Hópur frá Vestmannaeyjum tekur þátt í messunni og heiðrar James Findlater, síðasta eftirlifandi sjómaðurinn af Hull City sem bjargaði áhöfninni af Glað VE 270 úr sjávarháska 1952.

Prestar verða sr. Steinunn A. Björnsdóttir og sr. Kristján Björnsson. Kór Íslendinga í London syngur undir stjórn Matthildar Önnu Gísladóttur.

Eftir messuna verður afhjúpaður minningar- og þakkarskjöldur frá aðstandendum sjómannanna af Glað, útgerðum í Eyjum og Björgunarfélagi Vestmannaeyja.

Fjölskyldumessa á mæðradaginn

Steinunn Arnþrúður Björnsdóttir — Mon, 28 Mar 2011 15:35:53 +0000

Næsta messa verður sunndaginn 3. apríl í sænsku kirkjunni, 6 Harcourt Street kl. 15.00. Þetta verður fjölskyldumessa og verður lítil stúlka borin til skírnar í messunni. Þemað er “Fræ í frosti sefur” og við tölum um nýtt líf sem kviknar á vorin og um páskaundrið. Ekki er ólíklegt að páskaeggið sjálft komi þar við sögu.

Sungin verða létt og skemmtileg lög, meðal annars úr sunnudagaskólanum undir stjórn Friðþjófs og Braga og kórinn flytur einnig lag.

Eftir messu flytur kórinn nokkur lög sem hann hefur æft fyrir kóramót síðar í apríl og svo hefst hið vinsæla páskaeggjabingó í umsjón Íslendingafélagsins. Páskaeggin verða að sjálfsögðu frá Íslandi og með málsháttum.

Messa sunnudaginn 13. febrúar í London

Steinunn Arnþrúður Björnsdóttir — Fri, 11 Feb 2011 14:13:51 +0000

Næsta messa í London verður sunnudaginn 13. febrúar kl. 15.00 í Sænsku kirkjunni, 6 Harcourt Str. Kór Íslendinga í London syngur undir stjórn Matthildar Gísladóttur sem tók nýlega við kórnum. Sr. Steinunn Arnþrúður Björnsdóttir messar og fermingarbörn aðstoða við helgihaldið. Sunnudagaskóli verður á sama tíma. Eftir messu er kirkjukaffi í safnaðarheimilinu.

Fermingarfræðsla verður sama dag í sendiráðinu og hefst hún kl. 12.00.

Sænska kirkjan er staðsett við nr 6 Harcourt Street, London W1H 4AG (næstu jarðlestarstöðvar eru Edgeware Road og Maryleebone).

Aðrar messur á vormisseri verða þann 3. apríl, 15. maí og 19. júní. Messað verður í Grimsby þann 14. maí og Þá verður ungur maður fermdur.