Seljakirkja

Þá fer að líða að því að vetrarstarfið hefjist í kirkjunni. Einn þáttur í því er að þá eru guðsþjónustur kl. 14. Fyrsta guðsþjónusta á þeim tíma verður nú komandi sunnudag sem er 14. sunnudagur eftir þrenningarhátíð. Þá mun séra Ólafur Jóhann Borgþórsson prédika og þjónar fyrir altari. Félagar úr kór Seljakirkju leiðir safnaðarsönginn undir stjórn organistans, Tómasar Guðna Eggertssonar.

Tökum þátt í helgihald kirkjunnar í trú, von og bæn.

Kór Seljakirkju leitar að góðu og áhugasömu söngfólki til að taka þátt í starfinu. Aðaltilgangur kórsins er að leiða söng við helgihald kirkjunnar. Tómas Guðni Eggertsson er stjórnandi kórsins. Það er gott og gefandi að taka þátt í starfinu og er áhugasömum bent að hafa samband við Tómas Guðna í síma 866 1823.

Hinar vikulegu bænastundir í Seljakirkju hefjast nú aftur eftir sumarhlé. Þær eru á hverjum fimmtudegi og hefjast kl. 18. Þetta eru stuttar og notalegar stundir þar sem fyrirbænir eru þungamiðjan. Að stundunum loknum er boðið upp á kaffi og skemmtilegt samfélag. Fyrirbænaefnum má koma til skila í síma 567 0110

talsvert hefur verið hringt vegna ferminga 2011. Fermingarundirbúningurinn hefst í september. Í byrjun mánaðarins munu prestar kirkjunnar ganga í bekki í skólunum í hverfinu og kynna hvernig undirbúningnum verður háttað og hvenær skráning í fræðsluna fer fram.
Við höfum þann hátt á að fræðslustundirnar eru einu sinni viku og raðað niður eftir bekkjum. Auk þess er ætlast til þátttöku í guðsþjónustum safnaðarins.
 Ekki er búið að ganga frá því að fullu hverjir fermingardagarnir verða í vor, en það verður ákveðið fljótlega eftir að við vitum með vissu hversu mörg fermingarbörnin verða.

Barnakór Seljakirkju er hluti af safnaðarstarfi kirkjunnar. Hann syngur undir stjór Önnu Margrétar Óskarsdóttur söngkonu og er fara stráka og stelpur á aldrinum 8 - 15 ára. Í vetur verða æfingar á miðvikudögum kl. 15.  Skráning í kórinn fram í Seljakirkju þann 8. september kl. 16 - 18.
Þátttökugjald fyrir veturinn er kr. 3000 sem greiðist við innritun. Æfingar hefjast 15. september. Nýir og gamlir kórfélagar eru hjartanlega velkomnir.

Nú þegar líður að hausti er hafinn undirbúningur að vetrarstarfi kirkjunnar. Sem fyrr er reynt að höfða til allra aldurshópa í þeim efnum. Foreldramorgnar, barnaguðsþjónustur, KFUM & KFUK, barnakór og æskulýðsstarf mun hefjast í byrjun september. Mennignarvökur fyrir eldri borgara verður svo síðasta þriðjudag í hverjum mánuði, sú fyrsta í september. Hver liður verður betur kynntur þegar nær dregur.

Verið velkomin að taka þátt í starfi kirkjunnar.