Seljakirkja

Upplýsingar vegna ferðalags fermingarbarna

Ólafur Jóhann Borgþórsson — Fri, 03 Feb 2012 12:36:39 +0000

Nú má finna upplýsingabækling vegna ferðalags fermingarbarna í Vatnaskóg hér á heimasíðunni. Aðeins þarf að smella hér til að finna bæklinginn sem inniheldur upplýsingar um dagskrá, reglur og hvað skal taka með.

Helgihald 5. febrúar

Ólafur Jóhann Borgþórsson — Mon, 30 Jan 2012 10:38:36 +0000

Næstkomandi sunnudag verður helgihald með hefðbundnu sniði í Seljakirkju:

Barnaguðsþjónusta kl. 11.
Mikill söngur, biblíusagan um verkamennina í víngarðinum og fjársjóðskistan á sínum stað.
Góð stund fyrir alla fjölskylduna.

Almen guðsþjónusta kl. 14.
Sr. Valgeir Ástráðsson prédikar og þjónar fyrir altari.
Kór Seljakirkju leiðir safnaðarsöng við undirleik Tómasar Guðna Eggertssonar.

Menningarvaka eldri borgara

Ólafur Jóhann Borgþórsson — Mon, 30 Jan 2012 10:31:48 +0000

Næstkomandi þriðjudag, 31. janúar verður menningarvaka eldri borgara í Seljakirkju. Jónína Bjartmarz fyrrverandi þingmaður og ráðherra mun flytja erindi og tenórinn góðkunni Jóhann Friðgeir Valdimarsson mun flytja okkur perlur sönglaganna. Að sjálfsögðu verður gott borðsamfélag á eftir. Vinsamlegast tilkynnið þátttöku í síma kirkjunnar 567 0110.

Helgihald 29. janúar.

Ólafur Jóhann Borgþórsson — Sun, 22 Jan 2012 15:05:09 +0000

Það verður fjölbreytt helgihald í Seljasókn næstkomandi sunnudag, 29. janúar:

Barnaguðsþjónusta kl. 11.
Söngur, biblíusaga og mikill söngur.
Að sjálfsögðu verður fjársjóðskistan á sínum stað.

Almenn guðsþjónusta kl. 14.
Sr. Ólafur Jóhann Borgþóprsson prédikar og þjónar fyrir altari.
Kór Seljakirkju leiðir safnaðarsöng.
Organisti: Tómas Guðni Eggertsson.
Altarisganga.

Guðsþjónusta í Skógarbæ kl. 16.
Sr. Ólafur Jóhann Borgþórsson prédikar og þjónar fyrir altari ásamt Aase Gunn Guttormsen djákna.
Félagar úr Kór Seljakirkju leiða safnaðarsöng.
Organisti: Tómas Guðni Eggertsson.

Fundir með foreldrum fermingarbarna

Ólafur Jóhann Borgþórsson — Sun, 22 Jan 2012 15:03:15 +0000

Það er orðið stutt til ferminga og fermingarundirbúningurinn er langt kominn. Það er því tilefni til að foreldrar og prestar hittast og ræðia um lok fermingarundirbúnigsins og fermingarathöfnina sjálfa. Fundur með aðstandendum þeirra barna sem eiga að fermast 25. mars og 1. apríl kl. 10.30 verður í kirkjunni mánudaginn 20. febrúar kl. 20. Fundur með aðstandendum barna sem ferast 1. apríl kl .14, 5. apríl og 9. apríl verður fimmtudaginn 23. febrúar kl. 20.

Ferðalag fermingarbarna í Vatnaskóg

Ólafur Jóhann Borgþórsson — Sun, 22 Jan 2012 15:00:19 +0000

Eins og undanfarin ár mun söfnuðurinn efna til námskeið og dvalar í Vatnaskógi fyrir fermingarbörn. Þau námskeið eru samvinnuverkefni safnaðarins og skógarmanna KFUM. Nánari upplýsingar um námskeiðið má finna ef smellt er áfram.

Nemendur Ölduselsskóla fara 5. - 6. febrúar
Nemendur Seljaskóla fara 12. - 13. febrúar

Brottför verður frá Seljakirkju að lokinni guðsþjónustu sem hefst kl. 14 og áætluð heimkoma er á mánudegi kl. 17. Samvinna er við skólana um verkefnið. Til þess að frí verði gefið í skólanum þann mánudag sem dvalið er í Vatnaskógi, þurfa foreldrar að óska eftir því skriflega. Eyðublöð fyrir það fylgja heimsendum bréfum. Þau blöð skal afhenda útfyllt í kirkjunni. Við munum senda skólunum það bréf ásamt lista yfir þátttakendur. Þeir nemendur, sem ekki taka þátt í námskeiðinu eiga að mæta í skólann. Kostnaður við ferðina er niðurgreiddur af Seljasókn og Reykjavíkurprófastsdæmi eystra, þannig að hlutur þátttakenda verður aðeins kr. 4.000. Eru þar innifaldar ferðir og matur. Sé þáttttaka erfið vegna kostnaðar viljum við ekki láta það standa í vegi fyrir þátttöku. Talið þá heldur við okkur til að leysa málin. Um slíkt verður að sjálfsögðu fjallað í trúnaði.

Biblíulestur á miðvikudag

Ólafur Jóhann Borgþórsson — Sun, 22 Jan 2012 14:52:04 +0000

Næstkomandi miðvikudag verður fræðslufyrirlestur um Pétursbréfin Nýja testamentinu. Sr. Valgeir Ástráðsson flytur fyrirlesturinn og að honum loknum eru almennar umræður um efnið. Þátttaka er ókeypis og öllum opin. Stundin hefst kl. 19.30 og er lokið kl. 21.

Stjórnandi barnakórs vinnur alþjóðlega söngkeppni

Ólafur Jóhann Borgþórsson — Sat, 21 Jan 2012 10:32:58 +0000

Rósalind Gísladóttir, sem stýrir barnakór Seljakirkju sigraði nýverið í söngkeppninni Bartry Alexander International Competition. Keppti Rósalind í flokki atvinnumanna. Í sigurlaun mun hún syngja einsöng í hinu víðfræga tónlistarhúsi Varnegie Hall í New York þann 29. janúar n.k. Samstarfsfólk í Seljakirkju og sóknarnefnd óskar henni til hamingju með þessa miklu viðurkenningu.

Tómas Guðni Eggertsson, organisti mun stýra æfingum barnakórsins á meðan Rósalind er ytra.