Suðurland

Kirkjuskólinn í Vík og Víkurkirkja í Mýrdal

Axel Árnason Njarðvík — Mon, 06 Feb 2012 19:53:58 +0000

Minnum á samveru Kirkjuskólans í Vík í Víkurskóla, næsta laugardag þann 4. febrúar 2012 kl. 11:15-12:00.
Hlökkum til að hitta ykkur eftir langt hlé. -Halli og Gulla

Guðsþjónusta verður í Víkurkirkju á Biblíudeginum nk. sunnudag, 12. febrúar, kl. 11:00. Samkór Mýrdælinga syngur undir stjórn Kára Gestssonar organista. Fermingarbörn og foreldrar sérstaklega hvött til að mæta.
Athugið breyttan tíma. -Sóknarprestur

Kirkjuskóli Mosfellsprestakalls í Sólheimakirkju

Axel Árnason Njarðvík — Mon, 06 Feb 2012 14:06:56 +0000

Blik úr barnastarfi

Kirkjuskóli Mosfellsprestakalls verður haldinn í samstarfi við Sólheima og hefst laugardaginn 11. febrúar kl. 13:00 í Sólheimakirkju. Hann varir í um klukkutíma í senn. Söngur, sögur, föndur og gleði. Kaffi, ávaxtasafi og kalóríur í anddyri kirkjunnar eftir stundina.

Við munum svo vera með kirkjuskólann í Sólheimakirkju laugardagana 25. febrúar, 10. mars og 31. mars kl. 13:00.
Sameiginleg lokastund kirkjuskóla uppsveita Árnessýslu verður í Skálholtsdómkirkju sunnudaginn 15. apríl kl. 11:00.
Verið öll hjartanlega velkomin öllum stundum.

Þau ykkar sem spila á píanó eða gítar eru sérstaklega boðin til samstarfs um tónlistaflutninginn og spil undir söng. Hafið samband við sr. Axel í síma 856 1574 eða sr. Birgi í síma 893 8983.

Helgihald í Oddaprestakalli sunnudaginn 5. febrúar

Guðbjörg Arnardóttir — Fri, 03 Feb 2012 08:08:02 +0000

Barna- og fjölskylduguðsþjónusta í Safnaðarheimili Oddasóknar á Hellu kl. 11:00. Barnakór Odda- og Þykkvabæjarkirkna syngur undir stjórn Árna Heiðars Karlssonar.

Guðsþjónusta í Oddakirkju kl. 14:00. Kirkjukór Odda- og Þykkvabæjarkirkna syngur undir stjórn Árna Heiðars Karlssonar.

Guðsþjónusta í Miðdalskirkju

Axel Árnason Njarðvík — Wed, 01 Feb 2012 09:15:50 +0000

Sunnudaginn 5. febrúar nk. kl. 14:00 verður guðsþjónusta í Miðdalskirkju nærri Laugarvatni. Prestur er sr. Axel Á Njarðvík. Fermingarbörn og foreldrar sérstaklega hvött til að koma til kirkjunnar. Allir velkomnir.

Helgihald í Oddaprestakalli sunnudaginn 29. janúar 2012

Guðbjörg Arnardóttir — Tue, 24 Jan 2012 11:54:33 +0000

Þykkvabæjarkirkja: Guðsþjónusta kl. 11:00.

Hjúkrunar- og dvalarheimilið Lundur á Hellu: Helgistund kl. 14:00.

Skeiðflatarkirkja í Mýrdal

Axel Árnason Njarðvík — Mon, 23 Jan 2012 22:46:17 +0000

Guðsþjónusta verður í Skeiðflatarkirkju nk. sunnudag, 29. janúar, kl. 14.00. Samkór Mýrdælinga syngur
undir stjórn Kára Gestssonar organista. Fjölmennum. -Sóknarprestur

Kirkjuskólinn í Víkurprestakalli

Axel Árnason Njarðvík — Mon, 23 Jan 2012 22:45:42 +0000

Minnum á samveruna næsta laugardag, 28. janúar, kl. 11:15 - 12:00. Fjölbreytt efni að venju. Hlökkum til að hitta ykkur. Halli og Gulla

Áfallastreita í kjölfar missis

Axel Árnason Njarðvík — Tue, 10 Jan 2012 11:28:13 +0000

Dr. Berglind Guðmundsdóttir sálfræðingur ræðir um áfallastreitu í kjölfar missis á fræðslukvöldi hjá Nýrri dögun, samtökum um sorg og sorgarviðbrögð, n.k. fimmtudagskvöld 12. janúar. Fyrirlesturinn er í safnaðarheimili Háteigskirkju í Reykjavík og hefst kl. 20:30. Hann er öllum opinn.

Á undan eða kl. 19:00 verður opið hús í safnaðarheimilinu. Þangað getur fólk komið og fengið sér kaffi og rætt saman.
Berglind Guðmundsdóttir lauk BA prófi í sálfræði frá HÍ árið 1998. Berglind lagði stund á framhaldsnám í klínískri sálfræði við Ríkisháskóla New York ríkis í Buffaló í Bandaríkjunum. Hún lauk þaðan meistaraprófi árið 2004 og doktorsprófi árið 2006 með áherslu á kvíðaraskanir og afleiðingar áfalla.

Berglind hefur starfað sem sálfræðingur hjá Landspítala frá árinu 2006. Hún sinnir m.a. greiningar- og meðferðarvinnu við áfallamiðstöð/neyðarmóttöku vegna kynferðisofbeldis á Landspítala. Berglind stundar einnig rannsóknir á eðli og afleiðingum áfalla og sinnir auk þess handleiðslu annarra fagaðila.

Frá Mosfellsprestakalli

Axel Árnason Njarðvík — Mon, 09 Jan 2012 22:40:55 +0000

Guðsþjónusta í Miðdalskirkju á nýju ári, sunnudaginn 22. janúar kl. 14. Barn borið til skírnar.

Frá Víkurprestakalli

Axel Árnason Njarðvík — Mon, 09 Jan 2012 22:40:09 +0000

Fyrsta samvera Kirkjuskólans á nýju ári verður í Víkurskóla í Vík, næsta laugardag, 14. janúar 2012, kl. 11:15 - 12:00. Fjölbreytt efni að venju. Við sýnum frábæra mynd með Hafdísi og Klemma.
Hlakka til að hitta ykkur.
Sóknarprestur

Víkurkirkja í Mýrdal Guðsþjónusta verður í Víkurkirkju nk. sunnudag, 15. janúar, kl. 14.00. Samkór Mýrdælinga syngur undir stjórn Kára Gestssonar organista.
Fermingarbörn og foreldrar sérstaklega hvött til að mæta.
Sóknarprestur

Helgistund verður á dvalar- og hjúkrunarheimilinu Hjallatúni nk. sunnudag, 15. janúar, kl. 15:00. Félagar úr Samkór Mýrdælinga syngur undir stjórn Kára Gestssonar.
Sóknarprestur