Þingvallakirkja

Predikun jóladagsins

Kristján Valur Ingólfsson — Mon, 26 Dec 2011 12:52:02 +0000

Eins og venjulega var gott að vera til kirkju á Þingvöllum á jóladag. Það var heldur færra fólk en venjulega, enda veðurútlit og færð ekki með besta móti, en litla kirkjan var þéttsetin samt, af ungum og öldnum, og alltaf er jafn ánægjulegt bæði að sjá sömu andlitin ár eftir ár, heimamanna og lengra að komna, og að sjá nýju og ungu andlitin bætast við. Fermingarbörn næsta vors, Kristrún Kolbeinsdóttir í Heiðarási og Sveinbjörn Jóhannesson Heiðarbæ I, lásu jólaguðspjallið af stakri snilld. Kórinn var góður eins og venjulega þó hann væri aðeins fámennari. Og Kolbeinn var búinn að hreinsa veginn alveg heim að dyrum. Ef einhver vill lesa predikunina, þá er hún hér : Guð er kærleikur

Messur um jól og áramót

Kristján Valur Ingólfsson — Thu, 15 Dec 2011 14:21:41 +0000

Hátíðarguðsþjónusta verður á jóladag kl. 14. Fermingarbörn vorsins 2012, Kristrún Kolbeinsdóttir og Sveinbjörn Jóhannesson lesa jólaguðspjallið. Söngkór undir stjórn Margrétar Bóasdóttur syngur Hátíðasöngva Bjarna Þorsteinssonar. Organisti Guðmundur Vilhjálmsson. Kristján Valur Ingólfsson predikar og þjónar fyrir altari.

Hátíðarmessa á nýársdag kl. 14. sr. Axel Árnason Njarðvík predikar og þjónar fyrir altari. Organisti Guðmundur Vilhjálmsson.

Messa sunnudaginn 16.október

Kristján Valur Ingólfsson — Wed, 12 Oct 2011 21:02:11 +0000

Sunnudaginn 16.október er messa í Þingvallakirkju kl. 14. Prestur er Kristján Valur Ingólfsson og organisti Glúmur Gylfason.

Þingvallaprestur er biskup í Skálholti

Kristján Valur Ingólfsson — Sun, 02 Oct 2011 19:32:10 +0000

Þann 3.september voru talin atkvæði í kjöri vígslubiskups í Skálholti. Sóknarpresturinn á Þingvöllum hlaut þar afgerandi kosningu og var vígður til biskupsþjónustu þann 18. september. Um sinn verður engin breyting á þjónustu hans á Þingvöllum, en í ljósi þessara breytinga þarf söfnuðuðurinn ásamt prestinum og þjóðgarðsverði og Þingvallanefnd að finna farsæla lausn á prestsþjónustunni til framtíðar. Biskupafundur hefur nú þegar ályktað um þetta, og verður bókun fundarins kynnt sókninni á almennum safnaðarfundi sem boðað verður til innan tíðar.

Síðasta messa sumarsins

Kristján Valur Ingólfsson — Wed, 31 Aug 2011 23:37:06 +0000

Sunnudaginn 4.september er messa í Þingvallakirkju kl. 14. Með þessari messu lýkur sumarmessunum þegar messað er hvern sunnudag til jafnaðar. Meðhjálparar sumarsins taka þátt í messunni og standa fyrir kirkjukaffi að messu lokinni. Ása Guðjónsdóttir og Sigurður Bjarnason lesa lestra og bænir. Benedikt Kristjánsson syngur einsöng, organisti er Guðmundur Vilhjálmsson. Kristján Valur Ingólfsson predikar og þjónar fyrir altari.

Messa sunnudaginn 28.ágúst

Kristján Valur Ingólfsson — Thu, 25 Aug 2011 18:11:43 +0000

Sunnudaginn 28.ágúst er messa kl. 14. Prestur er Kristján Valur Ingólfsson og organisti Guðmundur Vilhjálmsson.

Messufall

Kristján Valur Ingólfsson — Wed, 17 Aug 2011 21:21:22 +0000

Af óviðráðanlegum ástæðum verður að fella niður messu sem fyrirhuguð var í Þingvallakirkju sunnudaginn 21.ágúst.

Messa sunnudaginn 14.júní

Kristján Valur Ingólfsson — Fri, 12 Aug 2011 15:32:38 +0000

Sunnudaginn 14. júní er messa í Þingvallakirkju kl 14 . Prestur er séra Birgir Ásgeirsson, sem predikar og þjónar fyrir altari. Honum til aðstoðaðar eru meðhjálpararnir Birna Hjaltadóttir og Sigrún V Ásgeirsdóttir. Guðmundur Vilhjálmsson organisti er í leyfi þennan dag, svo söfnuðinum er falið að gefa sig enn meir að söngnum en ella!

Blíðviðri

Kristján Valur Ingólfsson — Wed, 10 Aug 2011 13:23:37 +0000

Messað var í miklu blíðviðri sunnudaginn 7.ágúst. Kristján Valur Ingólfsson, predikaði og þjónaði fyrir altari. Meðhjálparar voru Þorsteinn Guðlaugsson og Birna Gunnarsdóttir.

Útimessa í Skógarkoti sunnudag í verslunarmannahelgi

Kristján Valur Ingólfsson — Fri, 29 Jul 2011 12:36:52 +0000

Klukkan 14 sunnudaginn 31.júlí er útimessa í Skógarkoti, ef veður leyfir. Messað hefur verið í Skógarkoti um verslunarmannahelgina undanfarin ár. Gengið er í Skógarkot eftir gömlu þjóðleiðinni um Þingvelli. Leiðin hefst á Efrivöllum, merkt Skógarkot. Gangan tekur um hálfa stund. sr. Gunnþór Ingason predikar. Guðmundur Vilhjálmsson leikur á básúnu og Bragi Vilhjálmsson á saxofón. Prestur er Kristján Valur Ingólfsson