Lesa áfram á síðu Nýrrar dögunar

Sýningin stendur til 28. ágúst.  Frekari upplýsingar eru á vef Þjóðminjasafnsins

Undanfarna áratugi hefur aukin aðgreining kirkju og ríkis átt sér stað í Noregi. Þá hefur kirkjuskipan landsins verið mjög til umræðu. Bæði í kirkjunni og utan hennar gætir þeirrar skoðunar að ríkiskirkjuskipan brjóti í bága við trúfrelsi. Í fyrirlestrinum verður glímt við spurninguna um hvort svo sé og hvort mögulegt sé að halda fast við ríkiskirkju í fjölhyggjusamfélagi nútímans.

Í ár verður norsku stjórnarskránni breytt m.a. í þá veru að ríkisstjórnin mun ekki lengur skipa biskupa landsins í embætti. Það er þó álit margra að breytingarnar gangi of skammt. Aðrir telja að ríkið geti ekki að fullu skilist við kirkjuna án þess að snúa baki við sögu sinni og sérkennum. — Varpað verður ljósi á umræðuna með dæmum frá öðrum löndum í Evrópu.

Halvor Nordhaug (f. 1953) var áður forstöðumaður stofnunar í kennimannlegum fræðum við Det Teologiske Menighetsfakultet í Ósló. Hann hefur ritað fjölda bóka og greina m.a. um tengsl ríkis og kirkju.

Fyrirlesturinn er í boði Guðifræði- og trúarbragðafræðideildar Hí og norska sendiráðsins.

Málþingið er hluti af alþjóðlegri samkirkjulegri bænaviku og er skipulagt af Samstarfsnefnd kristinna trúfélaga.

Viðbrögð við erindi dr. Hjalta flytja:
 Guðbjörg Lilja Hjartardóttir, stjórnmálafræðingur og sjálfstætt starfandi fræðimaður í Reykjavíkurakademíunni.
Dr. Kristín Vala Ragnarsdóttir, jarðfræðingur og sviðsforseti Verkfræði- og náttúruvísindasviðs.
Dr. Sigurjón Árni Eyjólfsson, guðfræðingur, héraðsprestur í Reykjavíkurprófastsdæmi eystra og stundakennari við Guðfræði- og trúarbragðafræðideild HÍ.
Málþingið er öllum opið.

Dagskrá bænavikunnar á höfuðborgarsvæðinu
Miðvikudagur 18. janúar:
Kl. 12.00  Bænastund í Friðrikskapellu, Hlíðarenda
Kl. 20.00  Samkoma í Kristskirkju, Landakoti

Fimmtudagur 19. janúar:
Kl. 18.00 Blessun vatnsins í Nauthólsvík
Kl. 20.00 Samkoma á Hjálpræðisher

 Föstudagur 20. janúar:
Kl. 20.00 Samkoma í Aðventkirkjunni, Ingólfsstræti.

Sunnudagur 22. janúar:
Kl. 11.00  Útvarpsguðsþjónusta í Seltjarnarneskirkju.

Þriðjudagur 24. janúar
Kl. 16.00 Málþing í Seltjarnarneskirkju:Samkirkjulegt starf heima og að heiman. María Ágústsdóttir doktorsnemi flytur erindi. Fulltrúar trúfélaga bregðast við.
Kaffi og umræður.
Málþinginu lýkur kl. 18.00

Miðvikudagur 25. janúar
Kl. 12.00  Bænastund í Friðrikskapellu, Hlíðarenda

Boðið hefur verið upp á sérstaka stuðningshópa fyrir aðstandendur. Prestþjónusta er sótt til sóknarprests Laugarnessóknar og boðið er upp á guðþjónustur reglulega í samkomusal heimilisins.

Tónlist  tónleikanna á  öll uppruna sinn á barokktímabilinu. Flest verkin hafa hljómað hér áður en nú heyrast í fyrsta skipti Fanfar eftir Zelenka og Sónata eftir Gabrieli. Af hefðbundnu verkunum má nefna Forleik að Te Deum eftir Charpentier (EBU lagið) og Forleik að Flugeldasvítunni eftir Handel. Þessi verk hafa Eiríkur og Ásgeir umritað fyrir þrjá trompeta auk þess sem Eggert hefur unnið pákurödd fyrir þau. Þá eru einnig á efnisskránni tvær sónatínur eftir Johann Pezel og hið fræga Adagio eftir Albinoni sem Ítalinn Giazotto umritaði.

Forsala aðgöngumiða er í Hallgrímskirkju og er hún opin kl. 9-17, sími 510 1000.
Miðaverð til listvina er 1.500 en almennt verð er 2.900- annað afsláttarverð er 2.000 kr.

Ásgeir Hermann Steingrímsson, Eiríkur Örn Pálsson og Einar St. Jónsson luku allir tónlistarnámi við Tónlistarskólann í Reykjavík áður en þeir héldu til framhaldsnáms í Bandaríkjunum. Ásgeir lauk BM prófi frá Mannes College of Music í New York, Eiríkur lauk BA prófi frá Merklee College of Music í Boston og MFA gráðu frá Californian Institute of the Arts í Los Angeles og Einar BM prófi frá Indiana University. Í dag eru þeir allir fastráðnir hljóðfæraleikarar við Sinfóníuhljómsveit Íslands auk þess að vera mjög virkir í tónlistarlífi höfuðborgarsvæðisins. Þeir hafa allir leikið með Kammersveit Reykjavíkur,  Kammersveit Hallgrímskirkju, Hljómsveit Íslensku óperunnar og leikið með ýmsum stórsveitum, svo sem Stórsveit Ríkisútvarpsins og Stórsveit Reykjavíkur auk þess sem Eiríkur er einn af stofnfélögum Caput hópsins. Einnig kenna þeir trompetleik við tónlistarskóla á höfuðborgarsvæðinu.

Eggert Pálsson stundaði nám á píanó og slagverk við Tónlistarskólann í Reykjavík og hélt þaðan til Vínar þar sem hann lagði stund slagverksnám við Listaháskólann í Vín, Austurríki. Hann hefur lengi verið fastráðinn pákuleikari Sinfóníuhljómsveitar Íslands auk þess að taka virkan þátt í íslensku tónlistarlífi undanfarna þrjá áratugi. Hann er félagi í slagverkshópnum Benda og Kammersveit Reykjavíkur. Hann hefur einnig leikið með tónlistarhópnum Caput og er félagi í sönghópnum Voces Thules sem flytur margar tegundir söngtónlistar, helga sem heiðna.

 Hörður Áskelsson hefur verið organisti og kantor Hallgrímskirkju allt frá því hann lauk framhaldsnámi í Düsseldorf í Þýskalandi árið 1982. Hann hefur gegnt lykilhlutverki í uppbyggingu listalífs kirkjunnar og stóð meðal annars að stofnun Listvinafélags Hallgrímskirkju, Kirkjulistahátíðar og Alþjóðlegs orgelsumars við Hallgrímskirkju. Þá stofnaði hann bæði Mótettukór Hallgrímskirkju (1982) og Kammerkórinn Schola Cantorum (1996) sem hann hefur stjórnað frá upphafi. Sem organisti hefur Hörður haldið tónleika í mörgum stærstu kirkjum Evrópu, m.a. í St. Michaelis í Hamborg, Kölnardómkirkju, St. Sulpice í París, dómkirkjunni í Brüssel og dómkirkjunni í Helsinki. Hann hefur hlotið margs háttar viðurkenningar fyrir framlag sitt til tónlistarlífs á Íslandi, þ.á.m. Hin íslensku tónlistarverðlaun og Riddarakross hinnar íslensku fálkaorðu.

 Hörður, Ásgeir og Eiríkur komu fram á tónleikum í Fílharmoníunni í St. Pétursborg fyrir troðfullu húsi ( 2000 manns) haustið 2005 við frábærar undirtektir og einnig var þeim boðið að leika á tónlistarhátíðinni í Frankfurt- Höchst í Þýskalandi og Akureyrarkirkju. Geisladiskurinn Trompetería með þeim félögum hefur hlotið mikla dreifingu og er til sölu í Hallgrímskirkju og víðar.

Nánari upplýsingar um helgihald má nálgast á heimasíðum kirknanna:
Áskirkja, Bústaðakirkja, Dómkirkjan, Grensáskirkja, Hallgrímskirkja, Háteigskirkja, Langholtskirkja, Laugarneskirkja, Neskirkja, Seltjarnarneskirkja