Opinn eldur á Kjalarnesi

13. desember 2017

Opinn eldur á Kjalarnesi

Gjörningurinn “Opinn eldur” fór fram við útialtarið við Esjuberg á Kjalarnesi kl. 17 þann 10. desember 2017. Í ár er haldið upp á það að 500 ár eru síðan Marteinn Lúther, sem kirkjudeild okkar er kennd við, hengdi upp 95 mótmæli til siðbótar á hurð hallarkirkjunnar í Wittenberg. Fyrir réttlætinu barðist Lúther og var bannfærður af páfa fyrir vikið.

Hinn 10. desember árið 1520 brenndi Lúther bannfæringarbréf páfa (Exurge Domine) ásamt nokkrum lagabókum rómversk-kaþólsku kirkjunnar og fleiri ritum sem hann taldi að stangaðist á við boðskap Biblíunnar. Eftir þennan atburð gaf páfi frá sér endanlega bannfæringarskipun eða hinn 3. janúar 1521. Á þeim stað er brennan fór fram í Wittenberg stendur nú Lúthers – eikin.

Mannréttindadagur Sameinuðu þjóðanna er einnig 10. desember og flutti Margrét Steinarsdóttir framkvæmdastjóri Mannréttindaskrifstofu Íslands ávarp við brennuna. Fulltrúar barna og unglinga, útlendinga, kvenna og fleiri hópa brenndu á táknrænan hátt það óréttlæti sem fólk hefur orðið fyrir. Öllum viðstöddum var boðið að brenna óréttlæti heimsins. Blöð og skriffæri voru á staðnum.

Nefnd um fimm alda minningu siðbótar bauð til þessa gjörnings og var Sögufélagið Steini á Kjalarnesi samstarfsaðili ásamt sóknarpresti og sóknarnefnd Brautarholtssóknar. Sögufélagið Steini hefur haft veg og vanda að því að reisa útialtarið við Esjuberg.
Sóknarnefnd Brautarholtssóknar bauð síðan til aðventuhátíðar í Fólkvangi að lokinni brennu eða kl.18 og bauð gestum upp á heitt kakó og léttar veitingar. Biskup Íslands, frú Agnes M. Sigurðardóttir flutti hátíðarræðu, sunnudagaskólabörnin sungu, Hulda Björnsdóttir lék á píanó og Kirkjukór Reynivallaprestakalls söng undir stjórn Guðmundar Ómars Óskarssonar organista. Sr. Arna Grétarsdóttir sóknarprestur leiddi bæn.

Myndir frá viðburðunum sem teknar voru af Bjarna Sighvatssyni, má finna hér:
  • Menning

  • Viðburður

  • Menning

Sólheimakirkja - altaristafla - heimaræktuð jólatré
04
júl.

Sólheimar í 90 ár

Menningarveisla hefst í dag
Sr. Arnaldur Máni Finnsson - bak honum Maríumynd i Staðastaðakirkju eftir Tryggva Ólafsson. Myndina tók Steingrímur Þórhallsson, organisti
04
júl.

Stutta viðtalið: Kirkja og menning undir Jökli

Veröld Maríu guðsmóður í nútímanum
Orgel Laugarneskirkju - íslensk smíð Björgvins Tómassonar - 28 radda orgel, vígt 2002. Hljóðfærið er listasmíð eins og kirkjan sjálf
03
júl.

Samið við organista

Mikiilvægir áfangar náðust