Nýr prestur á Klaustri

03. nóvember 2019

Nýr prestur á Klaustri

Ingimar Helgason

Ingimar Helgason mag. theol., var kjörinn sóknarprestur í Kirkjubæjarklaustursprestakalli, Suðurprófastsdæmi. Hann verður vígður 17. nóvember n. k.

Ingimar er fæddur á Akureyri árið 1984 en ólst upp á Vopnafirði. Hann lauk stúdentsprófi frá Verkmenntaskólanum á Akureyri og einkaflugmannsprófi frá Flugskóla Íslands árið 2007. Ingimar lauk mag. theol. prófi frá Háskóla Íslands árið 2018.

Ingimar hefur margvíslega starfsreynslu á kirkjulegum vettvangi. Á síðasta ári var hann kjörinn fulltrúi í jafnréttisnefnd þjóðkirkjunnar. Um tíma gegndi hann í afleysingum  ritarastörfum í Grafarvogskirkju.

Kona Ingimars er Halldóra St. Kristjónsdóttir og er hún tæknimaður hjá DK-hugbúnaði. Þau eiga eitt barn.

Í Kirkjubæjarklaustursprestakalli eru Grafar-, Langholts-, Prestsbakka- og Þykkvabæjarklausturssóknir. Sóknir prestakallsins eru á samstarfssvæði með sóknum Víkurprestakalls í Suðurprófastsdæmi, þ. e. Ásólfsskála-, Eyvindarhóla-, Reynis-, Skeiðflatar-, Stóra-Dals og Víkursóknum.

Prestakallinu fylgir prestssetur á Kirkjubæjarklaustri og er presti skylt að hafa þar aðsetur og lögheimili.

Skipað verður í embættið frá 15. nóvember 2019 til fimm ára.


  • Embætti

  • Frétt

  • Kosningar

  • Samfélag

  • Samfélag

Góð bók um merka konu
11
des.

Saga konu sem ekki má týnast

Einlæg og heit trú hennar var undirrót alls þess sem hún tók sér fyrir hendur...
Söngmálastjóri afhendir biskupi eintak af Íslenskum hátíðasöngvum
09
des.

Hátíðasöngvar séra Bjarna

... ný þægileg heildarútgáfa
Tónleikar í Langholtskirkju og Hallgrímskirkju
09
des.

Aðventu- og jólalög

...tónleikar Tónskóla þjóðkirkjunnar