10. október 2022
Tenórar á hádegistónleikum
Bústaðakirkja í bleikum bjarma
Tenórarnir Gunnar Guðbjörnsson, Jóhann Friðgeir Valdimarsson og Marteinn Snævarr Sigurðsson syngja á hádegistónleikum í Bústaðakirkju miðvikudaginn 12. október kl. 12:05-12.30.
Jónas Þórir leikur með á flygilinn og er aðgangur ókeypis.
Að tónleikunum loknum er boðið upp á léttan hádegisverð í safnaðarheimili kirkjunnar gegn vægu gjaldi.
Bleikur október er yfirskrift listamánaðar í Bústaðakirkju.
Bleikur október styður Ljósið en tónleikagestum á hádegistónleikum í október gefst kostur á að leggja mikilvægu starfi Ljóssins lið.
Hádegistónleikar verða alla miðvikudaga í október og mun tónlistin í sunnudagshelgihaldi Bústaðakirkju í október einnig taka mið af Bleikum október.
slg