Eskifjarðarkirkja

Ný kirkja var vígð á Eskifirði sunnudaginn 24. september árið 2000. Nýja kirkjan er sérstaklega hönnuð með tónleika í huga og þjónar sem menningarhús. Salurinn tekur rúmlega 300 manns í sæti. Hann má opna fram í anddyri, sem tekur 100 manns í sæti. Arkitektastofa Gylfa Guðjónssonar hannaði kirkjuna sem er 860 m².

Eskifjarðarkirkja hin eldri var aflögð sem sóknarkirkja og afhelguð. Árið 2006 samþykkti Húsafriðunarnefnd að leyft yrði að breyta kirkjuhúsinu í íbúðarhús.

Ljósmynd tók Rüdiger Þór Seidenfaden.