Mánudaginn 6. sept. n.k. kl. 11:40 verður málstofa á vegum Guðfræði- og trúarbragðafræðideildar í stofu 229 í Aðalbyggingu Háskóla Íslands. Þá flytur dr. Paul T. Nimmo, kennari við háskólann í Edinborg, fyrirlestur með yfirskriftinni „Karl Barth and the Eucharist: Trinity, Obedience, and Witness.“

Hjálparstarf kirkjunnar sendir 2,5 milljónir króna til neyðarhjálpar í Pakistan. Þeim er miðlað  í gegnum  ACT Alliance sem Hjálparstarfið er aðili að.

Í ljósi umræðu undangenginna daga, þar sem m.a. hafa vaknað upp spurningar um tilkynningaskyldu presta skv. ákvæði barnaverndarlaga og trúnaðarksyldu þeirra, sbr. lög um meðferð sakamála, boðar Rannsóknarstofnun Ármanns Snævarr um fjölskyldumálefni í samstarfi við Lagastofnun Háskóla Íslands til opinnar málstofu í Lögbergi.

Hin árlegu Innandyranámskeið eru að hefjast og verður það fyrsta haldið í Seljakirkju í Reykjavík á morgun, 30. ágúst kl. 17 og í Keflavíkurkirkju og í Holti í Önundarfirði miðvikudaginn 1. september. Námskeiðin verða á 10 stöðum um landið og eru þau ætluð öllum þeim sem koma að barna- og æskulýðsstarfi kirkjunnar, hvort heldur eru vígðir þjónar eða leikmenn, launaðir starfsmenn eða sjálfboðaliðar.

Í bréfi til starfsfólks kirkjunnar laugardaginn 28. ágúst nefndi Karl Sigurbjörnsson fimm atriði til að kirkjan geti brugðist betur við kynbundnu ofbeldi.

Frá mánudegi til föstudags, 30. ágúst til 3. september 2010, kl. 12.00-13.00, verða haldin fimm erindi um kirkjuna og kynferðisofbeldi á vegum Guðfræði- og trúarbragðafræðideildar og Rannsóknastofu í kvenna- og kynjafræðum við Háskóla Íslands.

Lagadeild Háskólans í Reykjavík stendur fyrir hádegisfundi um trúnaðar- og þagnarskyldu presta og tilkynningarskyldu fagstétta, þ.m.t. presta, samkvæmt barnaverndarlögum.

Þriðjudaginn 31. ágúst næstkomandi mun samstarfshópur á vegum Þjóðkirkjunnar og annarra kristinna trúfélaga hleypa af stokkunum átaki gegn kynferðislegu ofbeldi. Alls taka 15 trúfélög þátt í átakinu.

Sunnudagurinn 29. ágúst er þrettándi sunnudagur eftir þrenningarhátíð. Lestrar, bæn og sálmur dagsins eru aðgengileg á vefnum.

Ég hef horft á biskupa, presta, djákna, æskulýðsfulltrúa og fleiri í söfnuðum íslensku þjóðkirkjunnar nota þessa áætlun sem og önnur verkfæri til að taka á því alvarlega vandamáli sem ofbeldi gegn konum er, segir Pétur Björgvin Þorsteinsson í pistli á trúmálavef kirkjunnar.