Skeggjastaðakirkja

Skeggjastaðir eru bær og kirkjustaður við Bakkafjörð á Langanesströnd.

Kirkjan sem nú stendur er úr timbri og var byggð árið 1845 og er elst kirkna á Austurlandi. Talið er að Ólafur Briem timburmeistari á Grund í Eyjafirði hafi teiknað kirkjuna.

Kirkjan er úr rekaviði sem fluttur var frá Skálum á Langanesi og tekur hún um 100 manns í sæti. Það var enginn turn á kirkjunni upphaflega, en hann ásamt viðbyggingu bættist við, þegar hún var tekin til gagngerðrar viðgerðar 1961-62.

Gréta og Jón Björnsson skreyttu hana og máluðu. Prédikunarstóllinn er danskur, líklega frá fyrri hluta 18. aldar. O. Knippel málaði altaristöfluna 1857.