Egilsstaðakirkja

Egilsstaðakirkja var vígð 16. júní árið 1974 og var teiknuð af Hilmari Ólafssyni.

Bygging hennar hófst árið 1968. Guðsþjónustur voru haldnar í barnaskólanum frá því hann var byggður, eða frá hausti 1957, frá sama tíma er einnig kór Egilsstaðakirkju.

Kirkjan tekur hátt í þriðja hundrað manns í sæti, þó aðeins hafi þrengt um frá upphafi því kór var stækkaður til að koma fyrir flygli. Hljómburður þykir einkar góður í kirkjunni. Eiginlegt safnaðarheimili vantar en því er ætlaður staður við norðurvegg kirkjuskips. Orgel kirkjunnar er ítalskt 19 radda (Mascioni).

Ljósmynd tók Guðmundur Karl Einarsson.