Stafafellskirkja

Stafafellskirkja var reist úr timbri árin 1866 til 1868 og situr í miðjum Stafafellskirkjugarði. Kirkjan er turnlaus og eru útveggir klæddir með yfirfelldu listaþili. Þak kirkjunnar er krossreist og bárujárnsklætt. Einfaldur hvítur trékross er á vesturstafni kirkjunnar og á hvorri hlið hennar eru þrír hvítmálaðir gluggar.

Kirkjan er með þeim elstu í landinu. Í upphafi 10. áratugs síðustu var ráðist í miklar endurbætur á kirkjunni.

Prédikunarstóll er innst í kór og skírnarfontur fyrir framan hann. Altarið er fyrir miðjum kórgafli. Altaristafla yfir altarinu er frá miðri 17. öld er í kirkjunni. Hún er máluð á tré og sýnir Högna Jónsson sem var prestur í Stafafelli árin 1610-1636 og konu hans Herdísi Nikulásdóttur krjúpa við kross Krists. Önnur altaristafla er í kirkjunni, gengt altarinu, er hún olíumálverk frá 1949 eftir Kristínu Stefánsdóttur og sýnir Krist blessa lítinn dreng.

Prédikunarstóllinn er gamall og á honum eru myndir af Kristi í miðið og guðspallamönnunum fjórum. Skírnarfonturinn er útskorinn af Ríkarði Jónssyni árið 1968 og eru klukkur Stafafellskirkju frá 1884 og 1900.

Frekari upplýsingar má finna á vefsíðu prestakallsins.