Auglýst störf hjá sóknum
Grafarvogssókn leitar að organista
Grafarvogssókn leitar að skapandi og metnaðarfullum organista til starfa. Ef þú ert lipur orgelleikari og kraftmikill kórstjóri með áhuga á fjölbreyttu helgihaldi, þá er þetta tækifæri fyrir þig! Starfshlutfall er 100%, eða eftir samkomulagi.
Grafarvogskirkja er ein stærsta kirkja landsins og er vinsæl fyrir athafnir og tónleika. Í kirkjunni er nýlegt og glæsilegt orgel auk flygils. Í kapellu kirkjunnar eru tvö lítil pípuorgel. Í kjallara er flygill auk hljómborðs í hliðarherbergi. Organistar kirkjunnar deila stórri skrifstofu á efri hæð.
Í Grafarvogssókn er helgihald allan ársins hring í Grafarvogskirkju, yfir vetrartímann í Kirkjuseli í Spöng og mánaðarlega á hjúkrunarheimilinu Eir auk stórhátíða. Þrír kórar eru við kirkjuna: Kór Grafarvogskirkju og Vox Populi sem æfa undir stjórn organistanna tveggja, og Barnakór Grafarvogs í Grafarvogskirkju sem rekinn er í samstarfi við Tónskólann í Reykjavík. Auk organista/tónlistarstjóra og organista starfa þrír prestar, einn djákni, æskulýðsfulltrúi, kirkjuverðir og ritari við kirkjuna.
Umsóknarfrestur er til 6. júní 2025. Ráðið verður í stöðuna frá 1. ágúst 2025, eða eftir samkomulagi. Laun eru greidd samkvæmt kjarasamningi FÍO og Þjóðkirkjunnar. Umsækjendur eru beðnir um að senda umsókn og ferilskrá á netfangið formadur@grafarvogskirkja.is. Nánari upplýsingar veitir Anna Guðrún Sigurvinsdóttir formaður sóknarnefndar í síma 858 1002, formadur@grafarvogskirkja.is
Nánari upplýsingar má sjá hér.
Organisti við Digranes- og Hjallaprestakall
Starf organista við Digranes- og Hjallaprestakall, Kópavogi, er nú laust til umsóknar. Um er að ræða fullt starf og verður ráðið í starfið frá og með 1. ágúst 2025 eða eftir samkomulagi. Organisti hefur forystu um allt tónlistarstarf kirknanna, á gott samstarf við starfsfólk og presta kirknanna og veitir stuðning við annað safnaðarstarf eftir þörfum.
Frekari upplýsingar um starfið veita Tinna Rós Steinsdóttir, ritari sóknarnefndar Digraneskirkju í síma 774-1532 og Andrés Jónsson, formaður sóknarnefndar Hjallakirkju í síma 860-1726.
Umsóknarfrestur er til 8. júní 2025 og skulu umsóknir berast rafrænt á netfangið hjallakirkja@hjallakirkja.is.
Nánari upplýsingar má finna hér
