Gleðileg jól!

23. desember 2017

Gleðileg jól!

Gleðileg jól!

Biskupsstofa er lokuð á aðfangadegi jóla og verður næst opin miðvikudaginn 27. desember. Helgihald er í kirkjunum um land allt á jólum. Upplýsingar um helgihald er að finna í dagbókinni á kirkjan.is og á vefjum sókna og prófastsdæma.

Ríkisútvarpið útvarpar hátíðarguðsþjónustu úr Dómkirkjunni í Reykjavík á aðfangadagskvöld kl. 18, sr. Sveinn Valgeirsson, sóknarprestur, prédikar, Dómkórinn syngur undir stjórn Kára Þormar dómorganista.

Aftansöngur jóla verður sendur út í Ríkissjónvarpinu kl. 22 á aðfangadagskvöld. Guðsþjónustan var tekin upp í Dómkirkjunni þar sem frú Agnes M. Sigurðardóttir, biskup Íslands, prédikar og þjónar fyrir altari, ásamt sóknarpresti. Fermingarbörn taka þátt, Dómkórinn syngur undir stjórn Kára Þormars dómorganista.

Starfsfólk Biskupsstofu óskar landsmönnum öllum gleðilegra jóla.

Hátíð fer að höndum ein,
hana vér allir prýðum.
Lýðurinn tendri ljósin hrein,
líður að helgum tíðum.

Gerast mun nú brautin bein,
bjart í geiminum víðum.
Ljómandi kerti’ á lágri grein
líður að helgum tíðum.

Heimsins þagna harmakvein,
hörðum er linnir stríðum.
Læknast og þá hin leyndu mein,
líður að helgum tíðum.

Sálmur 722 – Íslensk þjóðvísa – 2.-3. v. Jóhannes úr Kötlum


  • Frétt

Ísafjarðarkirkja - þar í sókn voru gjaldendur 1.687 á síðasta ári. Ísafjarðarsókn er stærsta sóknin í Vestfarðarprófastsdæmi og þar er líka minnsta sóknin með einn gjaldanda.

Tölur og aftur tölur

13. ágú. 2020
...stærra samhengið
Árni Hinrik Hjartarson, sóknarnefndarformaður Kirkjuvogssóknar

Fólkið í kirkjunni: Þorpið hógværa

12. ágú. 2020
Prúð kirkja suður með sjó
Sr. Agnes með grímu frá Lútherska heimssambandinu

Kirkjan og kórónuveiran

11. ágú. 2020
Andlitsgríma og góð málefni