Umskurður tíðkast almennt ekki meðal kristinna manna

17. febrúar 2018

Umskurður tíðkast almennt ekki meðal kristinna manna

Biskup Íslands sendi umsögn til Alþingis í dag vegna frumvarps til breytinga á almennum hegningarlögum er varðar umskurn drengja.

Biskup lagði í umsögn sinni áherslu á mikilvægi upplýstrar umræðu um snúið mál og dró í efa að frumvarpið fæli í sér að vera slíkur farvegur farsællrar umræðu.

Biskup segir m.a. í umsögn sinni: Umskurn drengja er víða um heiminn algeng aðgerð. Þjóðkirkjan hefur ekki sérstaklega rætt um hana á sínum vettvangi enda tíðkast slíkar aðgerðir almennt ekki meðal kristinna manna.

Biskup og þjóðkirkjan bera almennt virðingu fyrir siðum og venjum annarra trú- og lífsskoðunarfélaga. Hins vegar er það skoðun biskups Íslands að sjálfsagt sé að hlusta á bæði rök og reynslu þeirra sem þekkja til og fá fram umræðu um málið.

Biskup telur þó varasamt að frumkvæði að þeirri umræðu sé í formi frumvarps til breytinga á hegningarlögum þar sem lagt er til að viðurlög við umskurði drengja verði allt að sex ára fangelsi.

Umsögnina í heild má nálgast hér,

  • Biskup

  • Frétt

  • Biskup

Biskup Íslands og erkibiskup Svía -mynd Magnea Sverrisdóttir

Martin Modéus settur í embætti erkibiskups

05. des. 2022
.........71. erkibiskup Svía frá árinu 1164
Biskup Íslands talar um konur í biblíunni

Biskup Íslands dómari í kökukeppni KSS

02. des. 2022
......hélt erindi um konur í Biblíunni
Jón Atli Benediktsson rektor Háskóla Íslands les ritningarlestur

Fullveldisdagurinn í Háskólakapellunni

02. des. 2022
......áratuga hefð