Halleujah á fermingarhátíð Suðurnesja

21. febrúar 2018

Halleujah á fermingarhátíð Suðurnesja

Það mikið fjör og gaman á fermingarbarnahátíð kirknanna á Suðurnesjum sem fram fór Keflavíkur- og Ytri-Njarðvíkurkirkju síðastliðinn sunnudag. Um 200 börn frá Grindavík, Garði, Reykjanesbæ og Sandgerði sóttu hátíðina ásamt prestum sínum og fermingarfræðurum.

Hátíðin hófst í Keflavíkurkirkju með samhristing, svo var boðið upp pítsuveislu og fjölbreytta fræðslu. Í fræðslunni var börnunum skipt í hópa og þau fóru á milli stöðva, þar sem fjallað var um samskipti og hvernig við látum gott af okkur leiða. Farið í leiki sem byggja á trausti og sungið. Í einum hópnum talaði Ísak Ernir Kristinsson við börnin um það sem hann lærði í fermingarfræðslunni og hvernig það hefur komið honum að notum í lífinu.

Þá var farið í rútu í Ytri-Njarðvíkurkirkju, en þar fór fram lokstund hátíðarinnar. Hljómsveitin Sálmari spilaði og var með leiki. Svo kom að stóru stundinni sem börnin höfðu beðið eftir þegar Jói Pé og Króli stigu á svið og tóku nokkur lög við góðar undirtektir. Að lokinni helgistund var lokalagið Halleujah eftir Leonard Cohen, sem krakkarnir höfðu æft í sönghópnum. Að mati þeirra sem að hátíðinni stóðu var þetta hápunktur, því öll sem eitt tóku þau undir og kirkjan ómaði af söng og innlifun.

Hátíðin var samstarfsverkefni safnaðanna á Suðurnesjum með stuðningi frá Kjalarnessprófastsdæmi og utan um dagskrána héldu prestar kirknanna ásamt héraðspresti, fermingarfræðurum og öflugum hópi sjálfboðaliða og ungleiðtoga.

Þetta er í fyrsta skiptið sem fermingarhátíðin er haldin á Suðurnesjum og nú hafa tvær hátíðar verið haldnar í Kjalarnessprófastsdæmi undir yfirskriftinni “Betri eru tveir en einn” og umfjöllunarefnið er vinátta. Hátíðirnar hafa tekist mjög vel og þær hafa sótt yfir 500 fermingarbörn.

Myndir má finna hér.
  • Æskulýðsmál

  • Fræðsla

  • Viðburður

  • Fræðsla

Ný lýsing Hallgrímskirkju

Ný lýsing í Hallgrímskirkju vinnur til virtra verðlauna

30. nóv. 2022
......fékk verðlaun í tveimur flokkum
Ólafsvíkurkirkja

Hátíðlegir viðburðir á aðventu

30. nóv. 2022
..........í Grundarfjarðarkirkju, Ólafsvíkurkirkju og Ingjaldshólskirkju
Kertaljós

Jól í skugga sorgar

29. nóv. 2022
........hvað er til ráða?