Talningu kjörstjórnar í kjöri til vígslubiskups í Skálholtsumdæmi er lokið

Atkvæði hafa verið talin í kjöri til embættis vígslubiskups í Skálholtsumdæmi. Kosið var milli tveggja frambjóðenda, sr. Eiríks Jóhannssonar og sr. Kristjáns Björnssonar. Á kjörskrá voru 939 manns. Kosningaþátttaka var um 73%. Alls greiddu 682 atkvæði þar af voru sjö seðlar auðir og þrír ógildir. Úrslit urðu þannig að sr. Eiríkur Jóhannsson hlaut 301 atkvæði eða 44% og sr. Kristján Björnsson hlaut 371 atkvæði eða 54 %.