Vísitasíu í Miklabæjarprestakalli í Skagafirði lokið

15. ágúst 2018

Vísitasíu í Miklabæjarprestakalli í Skagafirði lokið

Að lokinni vísitasíu biskups í Melstaðarprestakalli hófst vísitasía í Miklabæjarprestakalli í Skagafirði. Hún stóð yfir frá 8.-10. ágúst. Sóknarpresturinn sr. Dalla Þórðardóttir er jafnframt prófastur í Húnavatns- og Skagafjarðarprófastsdæmi. Í prestakallinu eru 7 sóknarkirkjur, á Miklabæ, Silfrastöðum, Flugumýri, Hofsstöðum, Reykjum, Mælifelli og í Goðdölum.

Agnes og Dalla

Vel var tekið á móti biskupi og fylgdarliði. Messað var í Goðdalakirkju en helgistundir á hinum kirkjunum. Í sumum þeirra voru organisti og kór mætt. Allt helgihaldið var auglýst.

Í ritinu „kirkjur Íslands“ sem segir frá friðuðum kirkjum á Íslandi og komið er út í 28 bindum er rakin saga kirknanna, kirkjugripanna og kirkjustaðanna. Nokkrar þeirra kirkna sem heimsóttar voru eru í þessari merku ritröð.

„Skagfirðingar í Miklabæjarprestakalli hugsa vel um kirkjurnar sínar og sýna þeim ræktarsemi,“ segir Agnes M. Sigurðardóttir biskup Íslands. „Allar eiga þær sína sögu og hefur ein þeirra m.a. verið flutt um set og sett á nýjan grunn þannig að nú er kjallari undir henni sem nýtist til samvera fyrir og eftir messu og þar fyrir utan.“

Einnig vakti athygli altaristaflan í Miklabæjarkirkju sem nefnist „kirkjan í sveitinni“ en hana hönnuðu og saumuðu konur í prestakallinu.


  • Biskup

  • Embætti

  • Heimsókn

  • Biskup

Ný lýsing Hallgrímskirkju

Ný lýsing í Hallgrímskirkju vinnur til virtra verðlauna

30. nóv. 2022
......fékk verðlaun í tveimur flokkum
Ólafsvíkurkirkja

Hátíðlegir viðburðir á aðventu

30. nóv. 2022
..........í Grundarfjarðarkirkju, Ólafsvíkurkirkju og Ingjaldshólskirkju
Kertaljós

Jól í skugga sorgar

29. nóv. 2022
........hvað er til ráða?