Senn lýkur merkilegri sýningu

15. apríl 2019

Senn lýkur merkilegri sýningu

Í lok þessa mánaðar – eða þann 28. apríl – lýkur merkilegri sýningu í Þjóðminjasafninu sem ber heitið: Kirkjur Íslands: Með augum biskups og safnmanna.
Á sýningunni getur að líta vatnslitamyndir, blýants- og vaxmyndir, dr. Jóns Helgasonar biskups (1866-1942), og ljósmyndir fyrrum þjóðminjavarða, þeirra dr. Matthíasar Þórðarsonar (1877-1961) og Þórs Magnússonar, af kirkjum og kirkjugripum. Allar þessar myndir geyma mikla sögu sem er dýrmæt.

Dr. Jón Helgason biskup málaði myndir af fjölda kirkna á vísitasíum sínum og reyndar áður en hann varð biskup. Allar þessar myndir hans eru stórmerkar heimildir um kirkjubyggingar í sveitum og þorpum. Þjóðminjaverðirnir fóru um landið og skráðu kirkjugripi og tóku myndir sem segja mikla sögu. Úrval mynda þessara þriggja manna falla vel saman og eru mjög svo áhugaverðar. Allt er þetta hluti af menningarverðmætum Íslendinga. 

Sýning þessi var sett upp í nóvember og er liður í 100 ára afmælis fullveldis Íslands.

Auk þessarar sýningar sem senn lýkur eru tvær aðrar í Þjóðminjasafninu sem tengjast kirkjunni. Þar er um að ræða: Kirkjur Íslands: Skrúði og áhöld. Straumar og stefnur, og: Leitin að klaustrunum. Þær sýningar standa fram til hausts og eru báðar mjög áhugaverðar.
Upplagt er að nota til dæmis daga dymbilvikunnar til að skoða þessar sýningar og sérstaklega myndasýninguna sem lýkur í lok þessa mánaðar sem fyrr segir. Enginn verður svikinn af því.

Sýningin Kirkjur Íslands: Með augum biskups og safnmanna, er í myndasal Þjóðminjasafnsins á fyrstu hæð, við hliðina á kaffistofunni. Aðgangur er ókeypis.
Meðfylgjandi mynd er af Gaulverjarbæjarkirkju. Máluð 19. september 1892.


Myndir með frétt

  • Frétt

Ritningin talar með ýmsu móti til manna – stjórnarmaður Hins íslenska Biblíufélags, dr. Grétar Halldór Gunnarsson, segir frá tækninýjung við miðlun á texta Biblíunnar
17
sep.

Bylting í miðlun Biblíunnar

„Með orð Guðs í eyrunum - Hvar sem er og hvenær sem er!“
Sr. Agnes biskup, Vigdís og Sigríður, planta trjám í Skálholti
16
sep.

Merk tímamót í Skálholti

Kirkja og umhverfismál í brennidepli
mail-logo.png - mynd
16
sep.

Til þolenda - yfirlýsing vegna siðferðisbrota

Biskup Íslands hefur átt fund með þeim fimm konum sem komu fram saman og lýstu kynferðislegu áreiti, siðferðisbrotum og óásættanlegri hegðun sr. Ólafs Jóhannssonar í samskiptum hans við sig og kærðu hann til...