Fjórar prestsstöður í Austfjarðaprestakalli

31. maí 2019

Fjórar prestsstöður í Austfjarðaprestakalli

Heydalakirkja

Biskup Íslands hefur sent til birtingar í Lögbirtingablaði auglýsingar fyrir fjórar prestsstöður í Austfjarðaprestakalli. Gert er ráð fyrir að auglýsingarnar birtist síðan á vef kirkjunnar um miðja næstu viku.

Prestakallið, sem er myndað með sameiningu fimm prestakalla á Austfjörðum nær frá Brekkusókn í Mjóafirði í austri til Hofssóknar í Álftafirði í suðri. Gert er ráð fyrir að tvö þessara embætta hafi sérstakar þjónustuskyldur við Norðfjarðar-, Brekku-,Reyðarfjarðar-, Eskifjarðar og Fáskrúðsfjarðarsóknir, með sérstökum hæfniskröfum á sviði sálgæslu annars vegar og í barna-og æskulýðsstarfi hins vegar.

Tveimur embættanna fylgja prestssetur með búsetuskyldu prestanna, þ.e. á prestssetursjörðinni Heydölum í Breiðdal annars vegar og á Djúpavogi hins vegar. Sá prestur sem verður búsettur á Djúpavogi mun hafa sérstakar þjónustuskyldur við Djúpavogssókn, Berufjarðarsókn, Berunessókn og Hofssókn.

Allir prestarnir fimm munu síðan þjóna prestakallinu í heild á grundvelli samstarfssamnings og erindisbréfa fyrir hvern og einn. Ráðgert er að skipað verði í tvær stöður síðsumars og í stöðurnar í Heydölum og á Djúpavogi 1. nóvember næsta vetur.

Sjá betur hér: Laus störf

  • Auglýsing

  • Embætti

  • Frétt

biskupafundur 2.jpg - mynd

Yfirlýsing frá biskupafundi Þjóðkirkjunnar

18. maí 2025
„Sama hve máttlaus við kunnum að upplifa okkur gagnvart atburðum utan landsteina Íslands megum við aldrei sætta okkur við að ofbeldi, hvar sem er í heiminum, sé á einhvern hátt ásættanlegt eða eðlilegur hluti af tilveru...
Logo.jpg - mynd

Opið fyrir umsóknir um styrki úr kynningar-, fræðslu- og útgáfusjóði Þjóðkirkjunnar

06. maí 2025
Hlutverk sjóðsins að styðja við og efla kynningar- og fræðslustarf kirkjunnar svo og útgáfustarfsemi á því sviði.
Sr. Karen Hjartardóttir

Sr. Karen Hjartardóttir ráðin

05. maí 2025
...í Setbergsprestakall