Lokabaul í Skálholti

3. júní 2019

Lokabaul í Skálholti

Skálholt

Það verða mikil umskipti í Skálholti á næstu dögum.

Kirkjuráð tók þá ákvörðun á fundi sínum hinn 9. janúar s.l. að stefnt yrði að því að afleggja búskap í Skáholti í sinni núverandi mynd. Stjórn Skálholts mun auglýsa eftir ráðsmanni sem verður búsettur í Skálholti, leigi jörðina eða verði þar sem ábúandi.

Búskapur hefur verið í Skálholti frá landnámstíð.

Strangar kröfur eru gerðar í nútíma mjólkurframleiðslu og fjósið í Skálholti hefur ekki staðist þær og verið rekið á undanþágum hin síðari ár. Miklum fjármunum þyrfti að verja til að gera fjósið nútímalegt og var því farin sú leið að leggja niður búskapinn fremur en að byggja hann upp. Mjólkurkvóti Skálholts hefur verið um 80 þúsund lítrar á ári.

Í dag og fram til 7. júní verða mjólkurkýr, kvígur og kálfar, til sölu. Og ekki bara búsmalinn heldur og tæki og tól eins og mjólkurtankur og rörmjaltatæki.

Gestur Einarsson, bóndi í Skálholti, sýnir gripina og veitir upplýsingar.

  • Auglýsing

  • Frétt

  • Skipulag

biskupafundur 2.jpg - mynd

Yfirlýsing frá biskupafundi Þjóðkirkjunnar

18. maí 2025
„Sama hve máttlaus við kunnum að upplifa okkur gagnvart atburðum utan landsteina Íslands megum við aldrei sætta okkur við að ofbeldi, hvar sem er í heiminum, sé á einhvern hátt ásættanlegt eða eðlilegur hluti af tilveru...
Logo.jpg - mynd

Opið fyrir umsóknir um styrki úr kynningar-, fræðslu- og útgáfusjóði Þjóðkirkjunnar

06. maí 2025
Hlutverk sjóðsins að styðja við og efla kynningar- og fræðslustarf kirkjunnar svo og útgáfustarfsemi á því sviði.
Sr. Karen Hjartardóttir

Sr. Karen Hjartardóttir ráðin

05. maí 2025
...í Setbergsprestakall