Prestsvígsla á Hólum

12. ágúst 2019

Prestsvígsla á Hólum

Vígsluþegi krýpur við altari Hóladómkirkju

Í gær vígði sr. Solveig Lára Guðmundsdóttir, vígslubiskup á Hólum, mag. theol., Jónínu Ólafsdóttur, en hún hefur verið settur prestur í Dalvíkurprestakalli næsta vetur, frá 1. október til 31. mars 2020.

Jónína er fædd á Egilsstöðum 1984 og ólst upp í Þingeyjarsýslu frá fimm ára aldri. Hún lauk BA-prófi í íslenskum fræðum frá Háskóla Íslands 2008 og Mag. theol. 2017, diplómaprófi í sálgæslu 2019 og vinnur nú að lokaritgerð til MA-prófs í guðfræði á sviði kristinnar hjónabandssiðfræði.

Jónína hefur starfað sem aðstoðarmaður dr. Arnfríðar Guðmundsdóttur, prófessors. Þá hefur hún fengist við margvísleg störf í söfnuðum á höfuðborgarsvæðinu síðastliðin tólf ár. Í fyrra var hún kjörin fulltrúi leikmanna á kirkjuþing fyrir Reykjavíkurprófastsdæmi vestra, 1. kjördæmi leikra, og mun nú láta af þeim störfum þar sem hún er komin í tölu vígðra þjóna.

Eiginmaður Jónínu er Eggert Þ. Þórarinsson, forstöðumaður í Seðlabanka Íslands, og eiga þau tvö börn.

Dalvíkurprestakall er myndað af Dalvíkur-, Miðgarða-, Möðruvallaklausturs-, Hríseyjar- og Stærra Árskógssóknum. Íbúar prestakallsins eru um 1.600 talsins.

Vígsluvottar voru dr. Arnfríður Guðmundsdóttir, sr. Jón Ármann Gíslason, sr. Magnús Gamalíel Gunnarsson, sr. Oddur Bjarni Þorkelsson og sr. Þuríður Björg Wiium Árnadóttir.

  • Embætti

  • Frétt

  • Menning

  • Messa

  • Samfélag

  • Trúin

  • Viðburður

  • Menning

  • Samfélag

Frá Egilsstöðum - Egilsstaðakirkja
07
des.

Líf og fjör

Söngur er ómissandi...
Vasklegur aðventuhlaupa- og gönguhópur - Steinþóra tekur sjálfu
07
des.

Hlaupið á aðventu

... vel heppnað samspil kirkju og samfélags
Hér heldur formaður sóknarnefndar á fjólubláa höklinum, Ragnheiður Ásta Magnúsdóttir. Frá vinstri: Hjónin Gert Madsen og Elín, sr. Erla og sr. Fritz
06
des.

Stutta viðtalið: Veflistakona og kirkjan

„Ég hanna allt sjálf og teikna,“ segir Elín hress í bragði