Kirkjur landsins

Sunnudagaskólarnir eru komnir í gang hjá mörgum kirkjum og í sumum kirkjum hefst sunnudagaskólinn með miklum látum. Hátíðir á haustin hafa verið skemmtilegir viðburðir fyrir alla fjölskylduna og það er mikill fögnuður að hittast aftur eftir sumarfrí í kirkjunni.

Þar er sungið, dansað, hlustað á biblíusögur og svo er litað eða föndrað. Eða kirkjurnar fá í heimsókn einhverja skemmtilega gesti eins og Árbæjarkirkja sem ætlar að fagna haustinu og upphafi barnastarfsins með sunnudagaskólahátíð 8. september kl. 11:00. Sirkus Íslands og Wally trúður koma í heimsókn. Boðið er upp á grillaðar pylsur og hoppukastalar verða á staðnum.

Ekki láta sunnudagaskólann í þinni kirkju framhjá þér fara.

Hlökkum til að sjá ykkur!