Leikmenn koma saman

09. september 2019

Leikmenn koma saman

Leikmannastefnan fer fram í Háteigskirkju

Leikmannastefna þjóðkirkjunnar verður haldin um næstu helgi, laugardaginn 14. september, kl. 9.30 í safnaðarheimili Háteigskirkju.

Það er biskup Íslands sem kallar saman leikmannastefnu hverju sinni. Þetta er í í 33ja sinn sem boðað er til hennar.

Leikmannastefna er mikilvægur vettvangur leikmanna þar sem þeir skiptast á skoðunum um málefni kirkju og samfélags. Hún gegnir þýðingarmiklu hlutverki innan kirkjunnar enda er þar fjallað um störf og hlutverk sóknarnefnda, svo og um starf kristilegra félagasamtaka og aðra þjónustu kirkjunnar við söfnuði landsins. Hún kemur sameiginlega fram fyrir hönd leikmanna, sókna og sóknarnefnda gagnvart stjórnvöldum, stofnunum kirkjunnar, starfsmönnum hennar og samtökum þeirra. Hún á að hvetja til þátttöku leikmanna í starfi kirkjunnar og efla kynni þeirra sín á milli.

Fulltrúar leikmannastefnu kjósa leikmannaráð úr hópi leikmanna til fjögurra ára. Leikmannaráð er skipað þremur mönnum og jafnmörgum til vara og skulu þeir skipta með sér verkum.

Núverandi formaður leikmannaráðs er Marinó Þorsteinsson.

Dagskrá leikmannastefnunnar á laugardaginn er fjölbreytileg og spennandi. Þjónustumiðstöð þjóðkirkjunnar í Háteigskirkju verður kynnt, sem og Háteigskirkja og Reykjavíkurprófastsdæmi vestra. Þá munu ýmis valinkunnir einstaklingar fjalla um framtíðarsýn þjóðkirkjunnar.

Ekki er ólíklegt að leikmannastefnan ræði um viðbótarsamning ríkis og kirkju sem kirkjuþing samþykkti 4. september s.l.


  • Frétt

  • Fundur

  • Menning

  • Samstarf

  • Viðburður

  • Menning

Bjartsýnn hópur eftir að hafa fræðst um öflugt starf í Konukoti
20
sep.

Biskup heimsækir Konukot

Biskup hefur einmitt viljað beina sjónum að dagþjónustu við fólk sem er „á götunni“
Seltjarnarneskirkja tók á móti flóttafólkinu blómum skrýdd
20
sep.

Boðin velkomin í söfnuðinn

Flóttamennirnir eru ungir að árum
Kátir klerkar, sr. Erla, sr. Sigurður Grétar og sr. Fritz Már
19
sep.

Glaðir Suðurnesjamenn í Vatnaskógi

Strákarnir fylltust miklu kappi ...