Kolefnisjöfnun safnaða hefst í Skálholti

14. september 2019

Kolefnisjöfnun safnaða hefst í Skálholti

Á Degi náttúrunnar, mánudaginn 16. september næstkomandi kl. 17:00, hefst í Skálholti athöfn þar sem helgaður verður skógræktarreitur til kolefnisjöfnunar fyrir söfnuði í þjóðkirkjunni.

Hallgrímssöfnuður í Reykjavík hefur ákveðið að kolefnisjafna sína starfsemi árlega með skógrækt. Í Skálholti verða á Á Degi náttúrunnar hópar frá Hallgrímskirkju, Kópavogskirkju og Skálholtskirkju sem taka munu þátt í helgun reitsins með viðeigandi athöfn og planta „sóknartrjám“.

Þegar hafa átta söfnuðir byrjað að taka grænu skrefin svokölluðu í samstarfi við umhverfisnefnd kirkjunnar – Græna kirkjan.

Kristján Björnsson vígslubiskup og sr. Halldór Reynisson stýra athöfnininni.

Að lokinni trjáplöntun verður málsverður í Sumarbúðum kirkjunnar sem kostar kr. 1500.

Rúta fer frá Hallgrímskirkju kl. 16:30 nk. mánudag og er áætlað að koma til baka um kl. 21:00

Helgun skóræktarreitsins er hluti af Grænu kirkjunni. Græna kirkjan er skilgreining og stefna íslensku þjóðkirkjunnar um að vera leiðandi í umhverfisátaki heimsins. Átak sem miðar m.a. að því að ná tökum á loftslagsvanda samtímans.

Um grænu skrefin má lesa hérna: https://www.stjornarradid.is/verkefni/rekstur-og-eignir-rikisins/graen-skref/

Meira um Grænu kirkjuna má lesa hér: https://kirkjan.is/kirkjan/graen-kirkja/umhverfismal/


  • Samfélag

  • Viðburður

  • Samfélag

Gömul jólatré í Húsinu af ýmsu tagi
09
des.

Heimasmíðuð jólatré á aðventu

... lírukassi, kaffi og konfekt á öðrum sunnudegi í aðventu...
Frá Egilsstöðum - Egilsstaðakirkja
07
des.

Líf og fjör

Söngur er ómissandi...
Vasklegur aðventuhlaupa- og gönguhópur - Steinþóra tekur sjálfu
07
des.

Hlaupið á aðventu

... vel heppnað samspil kirkju og samfélags