Leikmannastefna sett

14. september 2019

Leikmannastefna sett

Biskup setti leikmannastefnuna

Leikmannastefna þjóðkirkjunnar var sett í 33ja sinn í morgun í Háteigskirkju. Biskup Íslands, sr. Agnes M. Sigurðardóttir, setti stefnuna.

Ræddi hún meðal annars sóknargjaldamálið en lítið hefur þokast í þeim málum. Á vísitasíum sínum hefur hún séð að margir söfnuðir eru í vandræðum vegna skertra sóknargjalda. Taldi biskup að nú væri kominn tími aðgerða í þeim efnum eins og í loftslagsmálunum. Þá minnti hún á tímabil sköpunarinnar sem er nýhafið í kirkjunni og stendur yfir til 4. október. Í því sambandi gat hún um viðburð í Skálholti á mánudaginn, 16. september, en þá verður tekinn þar í notkun sérstakur reitur til að planta trjám í svo söfnuðir hafi tækifæri til að kolefnisjafna starf sitt. Hefst sá viðburður kl. 17.00.

Leikmannastefna er vettvangur almennra skoðanaskipta um málefni leikmanna, kirkju og faglegur samráðsvettvangur aðila.

Síðan var gengið til þingstarfa. Fundarstjóri var kjörinn Reynir Sveinsson.

Formaður leikmannaráðs, Marinó Þorsteinsson, flutti skýrslu leikamannaráðs. 

Síðan hófst kynning á Þjónustumiðstöð Biskupsstofu. 

Eftir hádegi verður Reykjavíkurprófastsdæmi vestra kynnt. Þá verða umræður valinkunnra einstaklinga um framtíð kirkjunnar. 

Leikamannstefnu verður slitið um klukkan 16.00.

Öllum er heimilt að hlýða á umræður sem fram fara í safnaðarheimili Háteigskirkju.

Almennt um leikmannastefnu má sjá hér.

Sr. Sigfús Kristjánsson kynnti Þjónustumiðstöð Biskupsstofu í Háteigskirkju ásamt fleirum

 

 


  • Frétt

  • Fundur

  • Menning

  • Námskeið

  • Samfélag

  • Þing

  • Viðburður

  • Menning

  • Samfélag

  • Námskeið

Sr. Helga og Ingunn mannauðsstjóri handsala samninginn eftir undirritun - söguleg stund í dag á Biskupsstofu, Katrínartúni 4
22
jan.

Tímamót

Fyrsti ráðningarsamningurinn undirritaður
Reykjavík á votum vetrardegi í janúar
22
jan.

Kirkjan og dagsetur fyrir heimilislausar konur

Boðið yrði upp á heita máltíð í hádeginu
Listafólkið stillti sér að sjálfsögðu upp fyrir myndatöku
22
jan.

Ellefu hlutu styrk

...tónskáld og textahöfundar sem semja kirkjuleg verk