Leikmannastefna skorar á Alþingi

16. september 2019

Leikmannastefna skorar á Alþingi

Marinó Þorsteinsson var formaður leikmannaráðs í tólf ár

Leikmannastefnu þjóðkirkjunnar lauk síðdegis á laugardaginn.

Helstu mál hennar voru kynning á Þjónustumiðstöð Háteigskirkju og umræða um framtíðarsýn kirkjunnar.

Marinó Þorsteinsson, formaður leikmannaráðs, flutti skýrslu ráðsins. Alls hélt leikmannaráð fimm fundi á árinu þar sem fjallað var um ýmis brýn kirkjumál.

Þá tilkynnti Marinó að hann gæfi ekki kost á sér í leikmannaráð en hann hefur gegnt formennsku í ráðinu í tólf ár. Þakkaði hann fyrir traust sem honum hefði verið sýnt og gott samstarf á liðnum árum. 

Kosningar fóru fram til leikmannaráðs og verður greint frá úrslitum hér á kirkjan.is síðar.

Leikmannaráð skiptir með sér verkum á fyrsta fundi.

Framkvæmdastjóri leikmannastefnunnar er Magnhildur Sigurbjörnsddóttir.

Leikmannastefna þjóðkirkjunnar samþykkti einróma eftirfarandi tillögu:

„Leikmannastefna þjóðkirkjunnar 2019 haldin í Háteigskirkju 14. september, skorar á Alþingi að hækka nú þegar sóknargjöld safnaða þjóðkirkjunnar til samræmis við tillögur starfshóps um fjárhagsleg tengsl þjóðkirkjunnar og safnaða hennar frá maí 2014 og ríkisstjórnarsamþykktar þar um sem samþykkt var á sínum tíma.“

Fulltrúum á leikmannastefnu var í lok stefnunnar boðið í Biskupsgarð.

Sjá Facebókar-síðu leikmannastefnunnar hér.

Einnig: Starfsreglur um leikmannastefnu

Sr. Agnes M. Sigurðardóttir, biskup, og Marinó Þorsteinsson við lok leikmannastefnunnar
  • Frétt

  • Fundur

  • Menning

  • Samfélag

  • Samstarf

  • Viðburður

  • Menning

  • Samfélag

Saga Gústa guðsmanns
11
nóv.
Fyrrverandi formaður sóknarnefndar og núverandi lásu lestrana
10
nóv.

Grafarvogssókn þrítug

...fjölmennasta sóknin í Reykjavík
Hólmsheiðarfangelsið í Reykjavík, tók til starfa 2016 og hýsir 56 fanga
08
nóv.

Átta sóttu um embætti fangaprests

...veitt frá og með 1. desember