Söguleg tímamót

21. september 2019

Söguleg tímamót

Enn bætist við sögu Hólastaðar

Á morgun fer fram söguleg prestsvígsla á Hólum í Hjaltadal.

Sr. Solveig Lára Guðmundsdóttir, vígslubiskup, vígir Aldísi Rut Gísladóttur, mag. theol., og er hún 100asta konan sem hlýtur prestsvígslu hér á landi. Auk þess er Aldís Rut þriðji ættliður sem verður prestur, afi hennar var sr. Gunnar Gíslason, (1914-2008), prestur og prófastur í Glaumbæ, og faðir hennar er sr. Gísli Gunnarsson, prestur í Glaumbæ.

Aldís Rut verður vígð til þjónustu í Langholtsprestakalli í Reykjavík.

Vígsluguðsþjónustan hefst kl. 14.00. Allir eru velkomnir.

Þá má geta þess að 45 ár eru liðin frá því að fyrsta konan var vígð til prestsþjónustu í þjóðkirkjunni, sr. Auður Eir Vilhjálmsdóttir, til Staðarprestakalls í Súgandafirði, 29. september 1974.

Kirkjan.is mun greina nánar frá vígslunni á morgun.


  • Frétt

  • Menning

  • Samfélag

  • Trúin

  • Viðburður

  • Menning

  • Samfélag

Lilja Dögg og forsetahjónin

„Sögustaðir efla samkennd okkar“

22. júl. 2024
...segir menningarráðherra á Skálholtshátíð
Forseti Íslands kom á málstofuna

"Húmorinn var aldrei langt undan"

20. júl. 2024
...málstofa til minningar um sr. Karl Sigurbjörnsson
Málþingið var fjölsótt

"Stríðið gæti þróast yfir á Vesturbakkann"

20. júl. 2024
...áhrifamikið málþing á Skálholtshátíð