Fallegur dagur í kirkjunni

22. september 2019

Fallegur dagur í kirkjunni

Að lokinni vígslu sr. Aldísar Rutar í Hóladómkirkju í dag

Það var fallegur og mildur dagur á Hólum í Hjaltadal í dag. Haustjafndægur, þegar dagurinn er alls staðar á jörðinni nánast jafnlangur nóttunni. Kyrrð og jafnvægi hjá mönnum og náttúru.

Kirkjuklukkurnar rufu kyrrðina og klerkar gengu fylktu liði til kirkju. 

Hóladómkirkja var vel setin við prestsvígslu sem vígslubiskupinn, sr. Solveig Lára Guðmundsdóttir, stýrði.

Þetta var hefðbundin prestsvígsla að öllu leyti nema einu. Aldís Rut Gísladóttir, mag. theol., er 100asta konan sem vígð er til prests á Íslandi. Það eru söguleg tímamót út af fyrir sig og um þetta leyti eru 45 ár liðin frá því að fyrsta konan var vígð til prests til þjónustu í þjóðkirkjunni, sr. Auður Eir Vilhjálmsdóttir.

Vígsluvottar voru sr. Gísli Gunnarsson, faðir vígsluþegans, sr. Guðrún Karls Helgudóttir, sr. Guðbjörg Jóhannesdóttir, sr. Hans Guðberg Alfreðsson, og sr. Helga Soffía Konráðsdóttir, prófastur, sem lýsti vígslu.

Kirkjukór Glaumbæjarprestakalls söng og organisti var Stefán Gíslason.

Sr. Aldís Rut mun þjóna í Langholtsprestakalli í Reykjavíkurprófastsdæmi vestra.

Þess má geta að sr. Aldís Rut er þriðja kynslóð presta í fjölskyldunni, dóttir sr. Gísla í Glaumbæ, Gunnarssonar Gíslasonar, (1914-2008), prests og prófasts í Glaumbæ.

Eiginmaður sr. Aldísar Rutar er Ívar Björnsson og eiga þau þrjú börn.

Vígsluathöfnin á Hólum

Feðgin, sr. Aldís Rut Gísladóttir og sr. Gísli Gunnarsson í Hóladómkirkju
  • Biskup

  • Frétt

  • Menning

  • Messa

  • Viðburður

  • Biskup

  • Menning

Saga Gústa guðsmanns
11
nóv.
Fyrrverandi formaður sóknarnefndar og núverandi lásu lestrana
10
nóv.

Grafarvogssókn þrítug

...fjölmennasta sóknin í Reykjavík
Hólmsheiðarfangelsið í Reykjavík, tók til starfa 2016 og hýsir 56 fanga
08
nóv.

Átta sóttu um embætti fangaprests

...veitt frá og með 1. desember