Umhverfissiðbót í þágu jarðar

02. október 2019

Umhverfissiðbót í þágu jarðar

Umhverfismál í brennidepli í Skálholti

Dagana 8.- 10. október næstkomandi verður haldin ráðstefna í Skálholti um samstarf samtaka, sem hafa trúarlegan og eða samfélagslegan bakgrunn, að markmiðum Sameinuðu þjóðanna um sjálfbæra þróun.

Ráðstefnan í Skálholti er samstarfsverkefni Félags Sameinuðu þjóðanna á Íslandi, Landgræðslunnar og íslensku þjóðkirkjunnar.
Ráðstefnan er aðdragandi að þátttöku íslensku þjóðkirkjunnar, Grænu kirkjunnar við Hringborð norðurslóða, Arctic Circle Assembly í Hörpu, dagana 10.-13. október.

Sú umbreyting á lífsháttum, sem viðnám gegn loftslagsvánni kallar á, þarfnast viðhorfsbreytinga um allan heim. Svar íslensku þjóðkirkjunnar er Græna kirkjan - stefnuyfirlýsing íslensku þjóðkirkjunnar í umhverfisverndarmálum.

Íslenska þjóðkirkjan telur rúmlega 236 þúsund safnaðarmeðlimi. Græna kirkjan er því fjölmennasta félag landsins sem hefur slegist í lið með umhverfisvernd.

Um Grænu kirkjuna má lesa hérna: Græna kirkjan.

Á vegum UNEP, umhverfisáætlunar Sameinuðu þjóðanna, hefur verið unnið að því að tengja saman samtök með trúarlegan bakgrunn til forystu fyrir siðbót í þágu jarðar. Á sama hátt hefur áhugafólk um landgræðslu og endurheimt jarðargæða átt með sér áhrifamikið alþjóðlegt samstarf. Sú hugmynd sem rædd verður í Skálholti er að tengja saman þessa áhrifaaðila í heimsnet sem léti til sín taka í loftslagsmálum.

Iyad Abumoghli, fulltrúi frá UNEP, tekur þátt í ráðstefnunni og opnum fundi í Skálholtskirkju miðvikudaginn 9. okt. kl. 14:00 ásamt Guðmundi Inga Guðbrandssyni umhverfisráðherra, Peter-Fischer Möller, Hróarskeldubiskupi, Beatrice Dossah, aðgerðarsinna frá Ghana, Kristínu Völu Ragnarsdóttur, prófessors í sjálfbærnifræðum við HÍ og frú Agnesi M. Sigurðardóttur, biskupi Íslands.

Nokkrir þeirra sem boðið hefur verið til ráðstefnunnar í Skálholti munu verða meðal ræðumanna í tveimur málstofum á Hringborði norðurslóða (Arctic Circle Assembly) í Hörpu 10. – 13. október.

Þjóðkirkjan, Stofnun Sigurbjörns Einarssonar, Guðfræðistofnun HÍ og Trú og samfélag standa fyrir málstofu um „Siðbót í þágu sjálfbærnimarkmiða Sameinuðu þjóðanna“.

Landgræðsluskóli Sameinuðu þjóðanna; Landgræðslan; Landvernd og Trú og samfélag skipuleggja málstofu sem ber heitið: „Brúargerð til velsældar með þekkingu og aðgerðum“.

Dagskrá málstofanna og opna fundarins í Skálholti má sjá á vef Hringborðs norðurslóða Dagskrá norðurslóða. Einnig á: kirkjan.is og skalholt.is

Mark MacDonald, biskup frumbyggja innan Anglíkönsku kirkjunnar í Kanada, verður meðal aðalræðumanna á Hringborði norðurslóða. Hann kemur til Íslands í boði þjóðkirkjunnar og Ólafs Ragnars Grímssonar, fyrrum forseta Íslands. Mark MacDonald er forseti Alkirkjuráðsins í Norður-Ameríku.

Sunnudaginn 13. október verða Mark MacDonald, Peter-Fischer Möller, Jim Antal, rithöfundur og kirkjuleiðtogi í Bandaríkjunum, Beatrice Dossah og Jógvan Friðriksson Færeyjabiskup, prédikar víðsvegar í kirkjum Reykjavíkur.

Peter-Fisher Möller Hróarskeldubiskup flytur auk þess fyrirlesturinn „Græna kirkjan í Danmörku,“ í Hallgrímskirkju kl. 09.30 þann sama sunnudag. Dagskrá ráðstefnunnar fylgir sem viðhengi fréttatilkynningarinnar.

Allar upplýsingar veitir sr. Halldór Reynisson, prestur Grænu kirkjunnar og verkefnastjóri á Biskupsstofu - halldor.reynisson@kirkjan.is - 856 1571


  • Alþjóðastarf

  • Frétt

  • Fundur

  • Menning

  • Samfélag

  • Samstarf

  • Þing

  • Trúin

  • Viðburður

  • Menning

  • Samfélag

Hvað er að frétta?
21
okt.

frettir@kirkjan.is

Allar fréttir úr starfinu eru vel þegnar .
Sr. Gunnar Einar Steingrímsson
21
okt.

Nýr prestur í Laufásprestakalli

Biskup skipar í embættið frá 1. nóvember
Sr. Grétar Halldór ávarpar söfnuðinn - félagsfáni Fjölnis til hægri
20
okt.

Kirkja og íþróttir

Ungmenni úr Fjölni lásu ritningarlestra