Kyrrðardagar á aðventu

28. nóvember 2019

Kyrrðardagar á aðventu

Skálholt á fögrum vetrardegi, 28. nóvember 2019

Kirkjan.is renndi í Skálholt ýmissa erinda og hitti í morgun meðal annars sr. Kristján Björnsson, vígslubiskup í Skálholti, og innti hann eftir kyrrðardögunum.

Í Skáholti var froststilla, hreinviðri og bjart. Engin svifryksmengun þar á bæ. Þannig er spáin líka áfram.

„Já, nú er boðið upp á kyrrðardagana í byrjun aðventu, 6. desember til 8. desember,“ sagði sr. Kristján, „það hefur ekki verið áður gert.“ Hann sagði að það yrði spennandi að sjá hvort ný tímasetning kæmi fólki betur.

Yfirskrift kyrrðardaga á aðventu í Skálholti er „Kom, heilög gleði.“ Það eru nafnarnir sr. Kristján Björnsson og Kristján Valur Ingólfsson, sem leiða kyrrðardagana að þessu sinni.

Skálholtsstaður er upphafsreitur kyrrðardaganna og helgi staðarins og saga, hafa jafna djúp og mikil áhrif á þátttakendur.

Stefið í kyrrðardögunum að þessu sinni er aðventan sem undirbúningstími jóla og andlegrar uppbyggingar einstaklingsins gagnvart þeim gleðilega boðskap sem jólin flytja: Guð vitjar heimsins.

Á kyrrðardögum er íhugað, útivera stunduð, hugleitt í kyrrð og næði, hvort heldur í Skálholtsskóla eða í stuttum helgistundum í Skálholtsdómkirkju.

Dagskrá kyrrðardaganna og skráningu má sjá hér.


  • Frétt

  • Kærleiksþjónusta

  • Menning

  • Samfélag

  • Trúin

  • Viðburður

  • Menning

  • Samfélag

Meistari Jón Vídalín, Skálholtsbiskup, þrykktur í stein. Páll Guðmundsson á Húsafelli er höfundur verksins

Vídalín settur á ís

22. sep. 2020
...málþingi frestað
Sr. María Gunnarsdóttir í Hvammstangakirkju

Stutta viðtalið: Afleysing er ánægjulegt vandaverk

22. sep. 2020
...hver hefur sinn stíl
Herra Jón Vídalín (1666-1720)

Spennandi málþing

21. sep. 2020
Fjórir fyrirlestrar...