Spennandi málþing

21. september 2020

Spennandi málþing

Herra Jón Vídalín (1666-1720)

Í síðasta mánuði kom út ævisaga Jóns Vídalín í einu bindi og ritverk hans í öðru. Ævisöguna ritaði dr. Torfi K. Stefánsson Hjaltalín, og tók sömuleiðis saman ritin í öðru bindinu. Það var Skálholtsútgáfan – útgáfufélag þjóðkirkjunnar sem gaf verkið út. Tilefnið er 300. ártíð Jóns Vídalín Skálholtsbiskups (á árunum 1698-1720).

Að þessu tilefni er boðað til málþings í Þjóðarbókhlöðunni laugardaginn 26. september nk., og að því standa Guðfræðistofnun H.Í., og Biskupsstofa. Umfjöllunarefnið er að sjálfsögðu meistari Vídalín, ævisaga hans og útgáfa á ritverkum hans.

Þingið fer fram í fyrirlestrarsal Þjóðarbókhlöðunnar 2. hæð, Arngrímsgötu 3, og hefst kl. 14.00.

Fjórir fyrirlestrar verða fluttir og fjalla þeir um ólík efni: 

Málþing um Vídalín
Dr. Hjalti Hugason, prófessor í kirkjusögu við Háskóla Íslands:
Vídalín á virkum degi

Ólöf Embla Eyjólfsdóttir, MSt í heimspeki og meistaranemi við lagadeild Háskóla Íslands:
Lagaréttur Vídalíns í ljósi náttúruréttar 

Dr. Torfi K. Stefánsson Hjaltalín:
Ádeiluhefð kristninnar og meistari Vídalín 

Dr. Margrét Eggertsdóttir, rannsóknarprófessor við Árnastofnun:
Listin að reiðast ekki. Hugleiðing um ræðustíl og reiðilestur 

Sr. Kristján Valur Ingólfsson, fyrrum vígslubiskup í Skálholti, stýrir þinginu

hsh


Minningarsteinn um meistara Jón Vídalín í Biskupsbrekku þar sem hann lést - steininn gerði Páll Guðmundsson frá Húsafelli og var hann afhjúpaður 30. ágúst s.l. þegar 300 ár voru liðin frá andláti Jóns
Kirkjan.is sagði frá því er steinninn var afhjúpaður

  • Frétt

  • Guðfræði

  • Menning

  • Ráðstefna

  • Samfélag

  • Þing

  • Útgáfa

  • Viðburður

  • Auglýsing

Rósa Björg Brynjarsdóttir, nýráðin dagstýra Dagsetursins í Grensáskirkju - Hjálparstarf kirkjunnar rekur það

Viðtalið: Rétt kona á réttum stað

20. okt. 2020
Rósa Björg er dagstýran
Hafnarfjarðarkirkja - mynd tekin við vorhátíð barnastarfsins - kirkjan vígð 20. desember 1914 - Rögnvaldur Ólafsson (1874-1917) teiknaði

Hafnarfjarðarprestakall laust

19. okt. 2020
Umsóknarfrestur er til 9. nóvember
Sr. Jónína Ólafsdóttir og Sveinn Arnar Sæmundsson, organisti

Fjölhæfir prestar

17. okt. 2020
...kl. 11.00 á Facebókar-síðu Akraneskirkju