Vídalín settur á ís

22. september 2020

Vídalín settur á ís

Meistari Jón Vídalín, Skálholtsbiskup, þrykktur í stein. Páll Guðmundsson á Húsafelli er höfundur verksins

Fyrirhuguðu málþingi um meistara Jón Vídalín sem halda átti nú í Þjóðarbókhlöðunni á laugardaginn 26. september hefur verið frestað.

Nú hefur verið tekin upp grímuskylda í Þjóðarbókhlöðunni og var því talið nauðsynlegt að bregðast við henni með því að skjóta málþinginu á frest. Nánar verður tilkynnt um það síðar. Kórónuveirufaraldurinn truflar margt í samfélaginu eins og fólki er kunnugt um og er meistari Vídalín ekki þar heldur undanskilinn. 

Málþingið verður haldið síðar
Í síðasta mánuði kom út ævisaga Jóns Vídalín í einu bindi og ritverk hans í öðru. Ævisöguna ritaði dr. Torfi K. Stefánsson Hjaltalín, og tók sömuleiðis saman ritin í öðru bindinu. Það var Skálholtsútgáfan – útgáfufélag þjóðkirkjunnar sem gaf verkið út. Tilefnið er 300. ártíð Jóns Vídalín Skálholtsbiskups (á árunum 1698-1720). Þetta er tilefni málþings í Þjóðarbókhlöðunni sem Guðfræðistofnun H.Í., og Biskupsstofa munu standa að síðar. Umfjöllunarefnið er að sjálfsögðu meistari Vídalín, ævisaga hans og útgáfa á ritverkum hans.
hsh
  • Guðfræði

  • Menning

  • Ráðstefna

  • Samfélag

  • Samstarf

  • Viðburður

  • Frétt

Rósa Björg Brynjarsdóttir, nýráðin dagstýra Dagsetursins í Grensáskirkju - Hjálparstarf kirkjunnar rekur það

Viðtalið: Rétt kona á réttum stað

20. okt. 2020
Rósa Björg er dagstýran
Hafnarfjarðarkirkja - mynd tekin við vorhátíð barnastarfsins - kirkjan vígð 20. desember 1914 - Rögnvaldur Ólafsson (1874-1917) teiknaði

Hafnarfjarðarprestakall laust

19. okt. 2020
Umsóknarfrestur er til 9. nóvember
Sr. Jónína Ólafsdóttir og Sveinn Arnar Sæmundsson, organisti

Fjölhæfir prestar

17. okt. 2020
...kl. 11.00 á Facebókar-síðu Akraneskirkju