Nýr formaður

11. maí 2022

Nýr formaður

Sr. Arnaldur A. Bárðarson, nýr formaður Prestafélags Íslands

Í gær var haldinn aðalfundur Prestafélags Íslands  í Lindakirkju í Kópavogi. Fjöldi presta sótti fundinn og honum var einnig streymt.

Sr. Ninna Sif Svavarsdóttir sóknarprestur í Hveragerði lét af formennsku eftir fjögur ár. Á þeim tíma hafa miklar breytingar orðið á stöðu kirkjunnar í landinu og einnig á stöðu presta sem ekki eru lengur ríkisstarfsmenn. Prestafélagið er nú stéttarfélag sem semur um kaup og kjör á vinnumarkaði og gætir hagsmuna félagsmanna.

Nýr formaður var kjörinn á aðalfundinum og var það sr. Arnaldur A. Bárðarson prestur í Árborgarprestakalli.

Nýi formaðurinn
Sr. Arnaldur er fæddur á Akureyri árið 1966. Hann vígðist til Raufarhafnar árið 1996, þjónaði á Hálsi í Fnjóskadal og Glerárkirkju á Akureyri um árabil. Þá var hann prestur í norsku kirkjunni í tæp átta ár. Frá 2018 hefur hann þjónað í Suðurprófastsdæmi, einkum á Eyrarbakka og Stokkseyri. Sú breyting varð að formennska í Prestafélagi Ísalands er nú hlutastarf. Samhliða formennsku þjónar sr. Arnaldur söfnuðum í Árborg.

hsh

  • Fundur

  • Kirkjustarf

  • Samfélag

  • Frétt

Sr. Sigrún Margrétar Óskarsdóttir og Guðmundur Ingi Guðbrandsson - mynd: stjr

Kirkja og fangelsismál

18. maí 2022
...þjónusta við fjölskyldur fanga kortlögð og metin
935x550.jpg - mynd

Kosning til kirkjuþings 2022

17. maí 2022
Kosningu til kirkjuþings lauk 17. maí 2022
Kópavogskirkja í Kársnesprestakalli - helsta kennileiti Kópavogs - myndin tekin í bleikum október - mynd: hsh

Liðsauki í Kársnesprestakall

17. maí 2022
...dr. Grétar Halldór Gunnarsson