Doktor í Brussel

4. júlí 2022

Doktor í Brussel

Dr. Guðmundur Björn við doktorsvörnina í Brussel - mynd: Haraldur Hreinsson

Föstudaginn sl. 1. júlí varði Guðmundur Björn Þorbjörnsson, guðfræðingur og heimspekingur, doktorsritgerð í heimspeki. Vörnin fór fram í Vrije Universiteit í Brussel en Guðmundur stundaði doktorsnám samhliða við Vrije Universiteit Brussel og Háskóla Íslands.

Leiðbeinendur hans voru Karl Verstrynge, prófessor við Vrije Universiteit og Vilhjálmur Árnason, prófessor við Háskóla Íslands.

Ritgerð Guðmundar ber titilinn „The world continues: Kierkegaard’s repetition and recollection in hyper-connectivity“ og í henni greinir Guðmundur verk danska guðfræðingsins og heimspekingsins Søren Kierkegaard með það að augnamiði að varpa ljósi á nútímann. Þar notast hann m.a. við hugtök á borð við endurtekninguna og endurminninguna og beinir í greiningu sinni sérstakri athygli að hinni sítengdu nútímamanneskju sem lifir og hrærist á internetinu, samfélags- og stefnumótamiðlum.

Þess skal getið að Guðmundur Björn er annar Íslendingurinn til að ljúka doktorsritgerð um Søren Kierkegaard. Hinn er dr. Gígja Gísladóttir sem varði doktorsritgerð sína við háskólann í Austin í Texas 1991.

Guðmundur Björn er fæddur 12. maí 1986 og lauk BA-prófi í guðfræði árið 2009 og embættisprófi árið 2010 frá Háskóla Íslands. Hann lauk meistaraprófi í heimspeki frá Kaupmannahafnarháskóla 2012. Undanfarin ár hefur hann starfað sem frétta- og dagskrárgerðarmaður á RÚV.

Kirkjan.is óskar dr. Guðmundi Birni Þorbjörnssyni til hamingju með lærdómsgráðuna.

hsh


  • Menning

  • Samfélag

  • Viðburður

  • Frétt

  • Fréttin er uppfærð

Fjölskylduráðgjafarnir Eiríkur og Jenný - mynd: Vigfús Bjarni Albertsson

Stórt skref

12. ágú. 2022
…þjónusta við fjölskyldur fanga
Altari Hóladómkirkju - glæsileg altarisbríkin (altaristaflan) er frá upphafi 16. aldar og hefur varðveist mjög vel - mynd: hsh

Viðburðarík Hólahátíð

11. ágú. 2022
...biskupsvígsla og margt fleira um að vera heima á Hólum
Kristín Kristjánsdóttir, djákni - mynd: Pétur Ragnhildarson

Kristín ráðin

09. ágú. 2022
...djákni í Grafarvogssókn