Biblían á að vera aðgengileg öllum á sínu eigin hjartamáli

14. júní 2024

Biblían á að vera aðgengileg öllum á sínu eigin hjartamáli

Fulltrúar Biblíufélaganna

Framkvæmdastjórar Biblíufélaga á Norðurlöndum og við Eystrasalt funduðu í Reykjavík 11.-12. júní.

Auk framkvæmdastjóranna var George Sochos frá Sameinuðu biblíufélögunum á fundinum og kynnti vinnu við stefnumörkun Sameinuðu biblíufélaganna til næstu þriggja til fimm ára.

Þá var á fundinum rætt um nýjar Biblíuþýðingar á alþýðumáli, útgáfu á Biblíuritum á táknmáli, stöðu starfseminnar í þátttökulöndunum ásamt styrkleikum og tækifærum til framtíðar.

Starf Biblíufélaganna á Norðurlöndum og við Eystrasalt miðar allt að því að gera Biblíuna aðgengilega öllum á sínu eigin hjartamáli.

Biblíufélögin eru aðilar að Sameinuðu biblíufélögunum sem eru samstarfsvettvangur um 150 Biblíufélaga sem starfa í yfir 220 löndum og sjálfsstjórnarsvæðum.

Hvert Biblíufélag starfar sjálfstætt á sínu starfssvæði en nýtur góðs af þekkingu og reynslu annarra Biblíufélaga.

Þannig hefur Hið íslenska biblíufélag fengið ráðgjöf á ýmsum sviðum frá félögunum á Norðurlöndum og við Eystrasalt, m.a. í tengslum við prentun, vefþróun, hljóðbókardreifingu og fjársafnanir svo dæmi sé tekið.

Að öðru jöfnu funda framkvæmdastjórar Biblíufélaga á Norðurlöndum og við Eystrasalt árlega og verður næsti fundur í Vilnius í Litáen um miðjan júní 2025.


Mynd sem fylgir fréttinni er af fundarfólki, sem var boðið í móttöku og kvöldverð með stjórn Hins íslenska biblíufélags í Biskupsgarði þriðjudagskvöldið 11. júní og nutu þar góðs samfélags.

slg


  • Biskup

  • Fundur

  • Guðfræði

  • Heimsókn

  • Prestar og djáknar

  • Samfélag

  • Samstarf

  • Þjóðkirkjan

  • Trúin

  • Alþjóðastarf

Lilja Dögg og forsetahjónin

„Sögustaðir efla samkennd okkar“

22. júl. 2024
...segir menningarráðherra á Skálholtshátíð
Forseti Íslands kom á málstofuna

"Húmorinn var aldrei langt undan"

20. júl. 2024
...málstofa til minningar um sr. Karl Sigurbjörnsson
Málþingið var fjölsótt

"Stríðið gæti þróast yfir á Vesturbakkann"

20. júl. 2024
...áhrifamikið málþing á Skálholtshátíð