Sálmabók

1 Það sem augu mín sjá er þín sól
og þitt sumar um úthöf og lönd.
Ég á von og þú veist hvar ég stend,
ég á veröld sem talar sitt mál.
Ég elska, faðir, grasið grænt og gullið skin og hlýjan blæ,
ég elska, faðir, lind í mó og lítinn fugl við ský.
Mér skín við augum sköpun hrein og ný.

2 Með þér skapa ég umhverfið allt
sem er umgjörð míns lífs hér á jörð
og þú gafst mér þess auð og þess arð
og þess eyðing og vernd er mér skylt.
Ég elska, faðir ...

3 Blástu, vindur minn, þar sem þú vilt
um hinn víða og frjósama garð
því ég held þar í von minni vörð
hvort sem verða mun hlýtt eða kalt.
Ég elska, faðir ...

4 Lát anda þinn gæta hans, Guð,
og garðstíg hvern óma af söng.
Sjá, litrófið glóir. Ég geng
undir glitrandi regnbogans hlið.
Ég elska, faðir ...