Sálmabók

1 Kristur, mér auk þú enn
elsku til þín.
Sú er í lotning ljúf
löngunin mín.
Heyr þetta hjartans mál:
Heit verði' í minni sál
:,: elskan til þín. :,:

2 Heimsgæðin fánýt fyrr
freistuðu mín.
Beinist nú bæn og þrá,
bróðir, til þín.
Óskin mín eina' er sú:
Eflist í von og trú
:,: elskan til þín. :,:

3 Það sé mín hinst í heim
hugbót og þrá,
lausnarinn ljúfi, þér
lofgjörð að tjá.
Aukist er ævin þver
enn meir í hjarta mér
:,: elskan til þín. :,: