Sálmabók

Andstef (Sálm. 81.2)
Gleðjist fyrir Guði sem er styrkur vor.

Guð sé oss náðugur og blessi oss,
hann láti ásjónu sína lýsa meðal vor
    svo að þekkja megi veg þinn á jörðinni
    og hjálpræði þitt meðal allra þjóða.
Lýðir skulu lofa þig, Guð,
þig skulu allar þjóðir lofa.
    Lýðir skulu gleðjast og fagna
    því að þú dæmir þjóðirnar réttvíslega
    og leiðir lýði á jörðinni.
Lýðir skulu lofa þig, Guð,
þig skulu allar þjóðir lofa.
    Jörðin hefur gefið ávöxt sinn,
    Guð, vor Guð, blessi oss,
Guð blessi oss
svo að öll endimörk jarðar megi óttast hann.
Gleðjist fyrir Guði sem er styrkur vor.
Dýrð sé Guði, föður og syni
og heilögum anda
    svo sem var í upphafi
    er og verður um aldir alda. Amen.
Gleðjist fyrir Guði sem er styrkur vor.