Biskup frumbyggja

10. október 2019

Biskup frumbyggja

Dr. Mark MacDonald, biskup frumbyggja í Kanada

Næstkomandi sunnudag, 13. október, prédikar dr. Mark MacDonald, biskup frumbyggja í Kanada innan Anglíkönsku kirkjunnar, kl. 11:00 í Hallgrímskirkju. Frú Agnes M. Sigurðardóttir, biskup Íslands, og séra Irma Sjöfn Óskarsdóttir þjóna fyrir altari.

Kanadíski biskupinn hefur frá árinu 2007 hefur haft yfirumsjón með kirkjulegri sálgæslu allra frumbyggja sem eru innan Anglíkönsku kirkjunnar í Kanada. Hann hefur einnig verið forseti Alkirkjuráðsins í Norður-Ameríku frá árinu 2013. Sjálfur er hann af frumbyggjaættum bæði í móður- og föðurætt.

Mark MacDonald hefur hlotið margskonar viðurkenningar fyrir þjónustu sína við frumbyggja og fyrir framlag sitt til þess að styrkja vitund Kanadabúa um gildi umhverfismála.

Mark MacDonald er einn af aðalræðumönnum á Hringborði norðurslóða í Hörpu sem fram fer í vikunni og tekur þátt í Skálholtsráðstefnu um „Umhverfissiðbót í þágu jarðar“ sem hófst s.l. þriðjudagskvöld. Hann er einnig meðal mælenda á málstofu Hringborðs norðurslóða um „Siðbót í þágu sjálfbærnimarkmiða Sameinuðu þjóðanna“ sem haldin er í Safnahúsinu, Hverfisgötu 15, kl. 17.00 nk. föstudag, 11. okt.
Hann er hér á landi í boði þjóðkirkjunnar og Ólafs Ragnars Grímssonar, fyrrum forseta Íslands og forvígismanns Hringborðs norðurslóða.


  • Fræðsla

  • Frétt

  • Fundur

  • Heimsókn

  • Menning

  • Ráðstefna

  • Trúin

  • Viðburður

  • Fræðsla

  • Menning

Orgel Laugarneskirkju - íslensk smíð Björgvins Tómassonar - 28 radda orgel, vígt 2002. Hljóðfærið er listasmíð eins og kirkjan sjálf
03
júl.

Samið við organista

Mikiilvægir áfangar náðust
Í sama bekk með Samtökum evangeliskra kirkna
02
júl.

Samstarf og innganga

Stefnt að sama marki
Gott að vita hvar Skatturinn er til húsa ...
01
júl.

Allir vinna – kirkjan líka!

Virðisaukaskattur endurgreiddur