Pílagrímaganga „Heim að Hólum“
„Heim að Hólum“
Ganga yfir Heljardalsheiði í tengslum við Hólahátíð 2023.
Laugardaginn 12. ágúst mun sr. Þorgrímur Daníelsson leiða pílagrímagöngu frá Atlastöðum í Svarfaðardal yfir Heljardalsheiði Heim að Hólum. Boðið verður upp á sætaferðir frá Hólum að Atlastöðum um morguninn. Brottför frá Hólum kl. 8:00
Lagt verður af stað frá Atlasöðum kl. 10:00 Áætlaður göngutími yfir í Kolbeinsdal er 6 klst. Ráðgert er að koma niður að Kolku í Kolbeinsdal um kl. 16:00. Ferjað er yfir ána og í boði að fá akstur þaðan að Hólum. Þar er hægt að fara í sturtu og sund.
Kl. 18:00 er helgistund í Hóladómkirkju þar sem sérstaklega vel verður tekið á móti pílagrímum.
Kl. 19:00 býður Hólabiskup svo göngufólki öllu til kvöldverðar.
Á Hólum er hið ágætasta tjaldstæði og einnig ferðaþjónusta sem býður upp á gistingu í litlum íbúðum. Það getur verið mjög þægilegt að gista eina eða tvær nætur á Hólum. Hin leiðin er að láta aka sér að Atlastöðum og láta sækja sig að Hólum.
Þau sem hyggjast koma með eru beðin um að láta mig vita og skrá þátttöku í síma 893-1804 ekki seinna en kl. 20:00 á fimmtudagskvöld.