Biskup Íslands, Hjálparstarf kirkjunnar og prestar innflytjenda lýsa þungum áhyggjum af stöðu flóttafólks

Biskup Íslands er meðal þeirra sem lýst hafa þungum áhyggjum sínum vegna stöðu flóttafólks á landinu, sem býr nú á götunni.

23 félagasamtök lýsa þungum áhyggjum af mjög alvarlegri stöðu sem komin er upp í málefnum fólks á flótta sem vísað hefur verið úr allri þjónustu opinberra aðila eftir neikvæða niðurstöðu umsóknar um vernd á báðum stjórnsýslustigum.

Afdrif þess, öryggi og mannleg reisn eru í hættu.

Samtökin harma að ekki skuli hafa verið tekið tillit til ítrekaðra varnaðarorða varðandi afleiðingar nýrra lagaákvæða.

Þá leikur mikill vafi á að framkvæmdin standist þær mannréttindaskuldbindingar sem íslensk stjórnvöld hafa undirgengist.

Margt sem ráðamenn hafa sagt í þessari umræðu er villandi, óljóst og byggir á skorti á upplýsingum um raunverulega stöðu fólksins.

Samtökin skora á yfirvöld að tryggja öryggi þessa hóps, mannréttindi og grunnaðstoð með virku samráði við hjálpar- og mannréttindasamtök.

Því boða neðangreind samtök stjórnvöld til samráðsfundar næst komandi mánudag 21. ágúst 2023 klukkan 17:00 í sal Hjálpræðishersins á Suðurlandsbraut 72.

Sérstaklega hefur verið óskað eftir viðveru hlutaðeigandi ráðherra í ríkisstjórn Íslands.

Reykjavík, 18. ágúst 2023

Barnaheill

Biskup Íslands fyrir hönd Þjóðkirkjunnar

FTA - félag talsmanna umsækjenda um alþjóðlega vernd

Geðhjálp

GETA hjálparsamtök

Hjálparstarf kirkjunnar

Hjálpræðisherinn á Íslandi

Íslandsdeild Amnesty International

Kvenréttindafélag Íslands

Mannréttindaskrifstofa Íslands

No Boarders

Prestar innflytjenda, Þjóðkirkjunnni

Rauði krossinn á Íslandi

Réttur barna á flótta

Samhjálp

Samtökin 78

Solaris

Stígamót

UNICEF á Íslandi

UN Women á Íslandi

W.O.M.E.N. – samtök kvenna af erlendum uppruna

Þroskahjálp

ÖBÍ - heildarsamtök fatlaðs fólks á Íslandi

slg

Myndir með frétt