Húsfyllir við kveðjumessuna

Sr. Guðrún kveður

Sr. Guðrún Karls- Helgudóttir verðandi biskup Íslands kvaddi söfnuð sinn í Grafarvogskirkju í kaffihúsamessu í morgun kl. 11:00.

Hún hefur þjónað söfnuðinum í 16 ár.

Kirkjan var troðfull þegar sr. Guðrún predikaði og þjónaði fyrir altari.

Kór Grafarvogskirkju leiddi söng og Hákon Leifsson var organisti.

Sr. Guðrún tekur formlega við embætti biskups Íslands á morgun 1. júlí, en hún verður vígð eins og áður hefur komið fram þann 1. september næstkomandi í lok kirkjudaganna.

Myndirnar sem fylgja fréttinni tók Ragnhildur Ásgeirsdóttir.


slg

Myndir með frétt